________________
॥कहानिबंधो नाम बिइओ उद्देसो ॥
इह हि जंतुणा सुरमणुयतिरियनारयगईसु भममाणेणं कह कह वि भवियव्वयानिओएण किंचूणाए सत्तण्हं कम्माणं कोडाकोडीए सागरोवमाणं संचिटुंतीए, सुरतरुसुरहिकुसुमपवरमंजरिपरिमिलाणत्तऽणुकंपाणाकरणारइविमणपरिचवणविलवणदीणपरिमलणपरपेसणपररिद्धिपलोयणाइअभिदुयसुरा, जरमरणरोगरयमलकिलेसजंवालजरखाससासदाहाऽइसारभगंदरइट्ठवियोगाणिट्ठसंपओगादिपीडियनरा, नेल्लंछणडहणंकणंकुसारकसनासिगवेहणभारारोवणबंधणादिउवद्दवोवदुयतिरिएसु , तारणफाडणमोडणुक्कत्तणाभेयणच्छेयणमुसुमूरणतवियतउयतंबायपेच्छनारएसु , चउगईदुक्खं(क्ख)पाणादिवि(वी)ईतरंगभममाणसयसंकुले तहा कोहमयमाणलोहमोहमायाइविसायगारवाइमयरमच्छकच्छनक्कतंतुयसुंसुमारादिपुच्छच्छडोच्छलियदुग्गमदुरंतदुहसयाउलकरालेजलहिं वाणोरपारे महासंसारे लहिऊणं पवरतरंडयं व सम्मत्तं, अचिंतचिंतामणि व्व अणग्धेयमहारयणं जिणगणहरसिद्धसाहुगुणकित्तणकहासु आयरो कायव्वो अप्पमादो य त्ति । अन्नं च -
जाव परदोसगहणं कीड़ बंधस्स कारणं परमं । ताव वरं विमलगुणं सुपुरिसचरियं ति सोयव्वं ॥१॥ कम्माण खओ पुन्नाण संभवो पाववज्जणं तह य ।
होइ पमायाण जओ, सवणे तह धम्मपडिवत्ती ॥२॥ जओ भणियं -
"न य नाणदीवरहिओ कज्जाकज्जाइं जाणई पुरिसो । तो तस्स जाणणत्थं पढमं नाणं वियाणेज्जा" ॥३॥ [ ] नाणं च चरणसहियं, सणसहियं च साहणं भणियं । एत्थ य पंगं-उधाणं, दिटुंतो होइ नायव्वो" ॥४॥ [ ]
Jain Education International 2010_02
For Private & Personal Use Only
www.jainelibrary.org
