________________
कहावीढो नाम पढमुद्देसो अन्नं च- वियरंति जत्थ गुणिणो पसरं न लहंति निग्गुणा तत्थ ।
सूरंसूणं पुरओ खज्जोओ कुणउ किं वरओ ॥४४॥ अहवा गुणवंताणं मग्गच्चारेण होइ गुणनियरो ।
रविसंगेण पजायइ कसिणं पि हु निम्मलं गयणं ॥४५॥ अह वा - कुडिलसहावे लोए कह व गुणा होंति तं न याणामो ।
चंदस्स अमयसरिसे किरणे नलिणी न इच्छेइ ॥४६॥ कायव्वो ववसाओ परोवयारम्मि तह वि सुयणेण । हवउ गुणो दोसो वा जाणइ किं को वि परचित्तं ॥४७॥ सो वि य परोवयारो सत्थपबंधेण होइ विक्खाओ । ता तं चिय पारंभइ निसुणंतु जणा पयत्तेणं ॥४८॥ विमल गुण'गणाणं 'पाल'णे भत्तिजुत्ता, तवचरणसमग्गा जे भवंतीह भव्वा । हरिसवसभरा ते 'पीढबंधं' मुणित्ता, धुयमरणकिलेसा सिद्धिसोक्खं लहंति ॥४९।। इय जंबुणामचरिए, पवयन्नपसत्थविविहनिम्मविए । नामेण कहावीढो, पढमुद्देसो समत्तो त्ति ॥५०॥
Jain Education International 2010_02
For Private & Personal Use Only
www.jainelibrary.org
