________________
४
दोजीहं वक्कगईं परछिद्दालोयणम्मि तल्लिच्छं । बहुकोहं भयजणणं पिसुणभुयंगं व संठविडं ॥८॥ संते नासेइ गुणे, आरोवइ अवगुणे असंते वि । विहिविलसियस व खलस्स पुणो किल को न बीहेइ ॥ ९ ॥ खणरत-खणविरत्तं खणेण मम्माणि तह य मग्गंतं । कलत्तं वखलं विवज्जणीयं सयाकालं ॥१०॥ सुग्गेज्झा मत्तगया भुयगा सीहा य तह य वग्घा य । मम्मानेसणपउणं दुग्गेज्झं चेव खलहिययं ॥ ११ ॥ सायरजलपरिमाणं सुरगिरिमाणं च भुयणसब्भावं । जाणंति बुद्धिमंता खलस्स हिययं न याणंति ॥ १२ ॥ तह य - पुरओ जंपइ अन्नं अन्नं पट्ठीए हिययए अन्नं । वेसायणो व पिसुणो न सव्वहा जाइ सब्भावं ॥ १३ ॥ पाणाणंतकराणं जमपुरिसाणं वकज्जकुवियाणं । पिसुणाणुप्पित्थमणो पारेमि न किंचि काऊणं ॥१४॥ तह वि अइधिट्टयाए भव्वाण हियद्रुमिच्छमाणेण । अवहीरिऊण पिसुणे किल किं पि मए वि आरडियं ॥ १५ ॥
जेण
तम्हा
अन्नं च
जेण
अओ
अहवा जइ मम दोसे गहिऊणं निव्वुई लहइ कोइ । ता किं न कव्वकरणे एत्थ मया जं न पज्जत्तं ॥१६॥ अहवा किं मम तेणं सुणएण व भसणकज्जनिरएणं । कीरउ जं कायव्वं पसंसयिस्संति तं सुयणा ॥१७॥
Jain Education International 2010_02
चइउं दोससमूहं विरलं पि य गुणलवं पि गिति । सुयणा सहावर च्चिय परदोसपरम्मुहा जेण ॥१८॥
जंबुचरियम्
भणियं च - "सुयणो न रूसइ च्चिय, अह रूसइ मंगुलं न चिंते । अह चिंतेइ न जंपइ, अह जंपइ लज्जिओ होइ " ॥ १९ ॥ [ ] १. 'हियय' प्रतौ ।
For Private & Personal Use Only
www.jainelibrary.org
