________________
सिरिमुणिवइगुणवालविरड्यं
॥ जंबुचरियम् ॥ ॥ कहावीढो नाम पढमुद्देसो ॥
॥ ॐ नमो वीतरागाय ॥ नमिउं दुक्खत्तसमत्थसत्तभवजलहितारणसमत्थे । पाए चक्कंकुसकुलिसलंछिए जिणवरिंदाणं ॥१॥ नमिउं पणयामरमउडकोडिसंघट्टथट्टकमकमलं । मिच्छत्तविसविणासं, भत्तीए जुयाइतित्थयरं ॥२॥ संगमयामरबहुज(रपज?)णियबहुविहउवसग्गकरणअक्खुहियं । नमिउं भवभयमहणं, जएक्कबंधू(धुं) महावीरं ॥३॥ मिच्छत्तामयसंघत्थजंतुसिवदाणअगयदुल्ललिए । सेसे बियजिणवज्जे(?), बावीसं भावओ नमिउं ॥४॥ जरमरणरोगरयमलकिलेसजंवालसोगभयरहिए । नमिऊणऽक्खयकेवलनाणसमिद्धे सया सिद्धे ॥५॥ अन्नाणमोहसम्मोहियाण जा देइ उत्तमं नाणं । भव्वाणं जंतूणं, तं सुयदेवि नमेऊणं ॥६॥ खन्ताइधम्मजुत्ते पंचिंदियसंवुडे तिगुत्ते य । पंचसमिए पसत्ते साहू सव्वे नमेऊणं ॥७॥
Jain Education International 2010_02
For Private & Personal Use Only
www.jainelibrary.org
