________________
कहावीढो नाम पढमुद्देसो
अलमेत्थ वित्थरेणं पज्जत्तं सज्जणेहिं सव्वं पि । जेण गुणगिण्हणरया वेरीण वि नियसहावा ॥ २०॥ पणमियजिणाइचलणो संतोसियखलयणो समासेण । धम्मकहापडिबद्धं वोच्छमहं जंबुणो चरियं ॥ २१॥ तत्थ य सामन्नेणं कहाउ मन्नति ताव चत्तारि । अत्थकहा, कामकहा, धम्मकहा तह य संकिन्ना ॥२२॥ अत्थो अत्थकहाए, भन्नइ, कामो वि कामुयकहाए । धम्मो धम्काए, पुरिसत्था चारि चरिमाए ॥ २३ ॥ धम्मा एत्थ पगयं अहवा मीसाए होइ नायव्वं । उवयारो पुरिसाणं जेण य एयाहिं कायव्वो ॥२४॥ ते पुण पंचविहा इह पुरिसा तित्थयर - गणहरिंदेहिं । संखेवेण भणिया जिणसहिया छव्विहा होंति ॥ २५ ॥ अहममा तह अहमा विमज्झिमा मज्झिमुत्तमा चेव । उत्तमगा पंचमगा छट्ठा पुण उत्तमोत्तमया ॥२६॥ "धम्मत्थ- कामरहिया कूडज्झवसायवट्टिणो पावा ।
मज्जमंसरिया भिल्लाई हुंति अहमहमा ॥२७॥ इहलोयमेत्ततुट्ठा धम्मियजणमोक्खनिंदणपसत्ता । जूयकरनडाईया एए अहमा वियाणाहि ॥२८॥ धम्मं अत्थं कामं सेवंति विमज्झिमा अबाहाए । ते पुण उज्जयभावा बंभण - कोडुंबियाईया ॥ २९॥ धम्माईसु पसत्ता जहसत्तीए विचित्तवयजुत्ता । घरपुत्तदारनिरया सुसावगा मज्झिमुत्तमया ||३०| मोक्खेगदिन्नचित्ता उम्मूलियमोहवल्लिणो असढा । घरपुत्तदारविरया उत्तमगा साहुणो हुंति ||३१||
Jain Education International 2010_02
For Private & Personal Use Only
५
www.jainelibrary.org
