Page Text
________________
सोलसमो उद्देसओ
पोग्गलका [ अह? ] रूवी सेसा य अरूविणो समक्खाया । उप्पायविगमनिच्चत्तलक्खणं अत्थि जं सव्वं ॥ ७७९ ॥
जं पुग्गलसुहकम्मं तं पुन्नं असुहपोग्गलं पावं । पुंनासवो य जोगो सुद्धो पावस्स य असुद्धो ॥७८०॥ मणवयणकायगुत्तीनिरासवो संवरो समक्खाओ । संवरितवविहाणं तु निज्जरा होइ नायव्वा ॥ ७८१ ॥ कम्मायाणं बंधो मोक्खो कम्माण उवगमो भणिओ । तत्तपयत्था नवहा संखेवेणं समुद्दिट्ठा ॥ ७८२ ॥ तम्हा सुभासियाई केवलिणा उत्तमट्ठवयणाई | घेत्तव्वाइं भव्वेण जंतुणा तत्तबुद्धीए ॥ ७८३ ॥
२५५
सोविय भाइ भयवं सय[ल ]त्थपच्चलं च अणगारियं सुसावगधम्मं ति । तओ एवं च तीयाणागयवट्टमाणवुत्तंताई साहिऊण समुट्ठिओ भगवं जंबुणामचरिमवली । ताव य उवगया निययट्ठाणेसुं देवदाणवनरिंदा । अन्ने उण उप्पन्नधम्माणुरायपरमत्था अणुगया सुरासुरगुरुणो भयवओ जंबुणामकेवलिणो संजाया । भगवं पि अर्चितचिंतामणिकप्पपायवब्भहियसमुप्पन्नासेसतिहुयणघरोयरपइट्ठियपयत्थत्थवित्थरपयडियपरमत्थपयत्थसत्थत्थसब्भावकेवलनाणदंसणपईवो सुहविहारेण विहरिऊण य निस्सेससत्तसुहाणंदयारिणं असेसकेवलिपरियायं पडिबोहिऊण निम्मलसंपुन्नवयणिदुविणिग्गयवायापवित्थरविमलमऊहोहसङ्गपयाए भव्वयणकुमुयसंडनियरसंघाए संपत्तो विमलुत्तुंगगयणंगणसण्णिहं तं वलाहगसेलसिहरं ति । तत्थ य समवसरियं नाऊण भयवमिहावसप्पिणिभरहच्छेत्तचरिमकेवलिं जंबुणामं समागया देवदाणवसिद्धगंधव्वकिन्नरोरगाइणो सुरवसेा बहवे । पत्थुया य भयवया अहिंसाइया धम्मदेसणा । पडिबुद्धा य बहवे पाणिणो । तओ भगवया नाऊण अत्तणो थोवाउयत्तणं कयं सव्वं भत्तपच्चक्खाणं पायवोवगमणाइयं जहाविहिं जहाकरणीयं । ठिओ य तत्थ सिलायलोवगओ मासमेगं पाओवगमणेण । समाणत्ता य तत्थट्ठियस्स भगवओ सुरिंदपमुहेहिं सुरासुरनरीसरेहिं नेव्वाणगमणविसेसपूय त्ति ।
तओ एवं च महापूयाकरणुज्जएसु सयलसुरासुरेसु भणियं सुरिंदआणाओ हरिणगवेसिणा-‘“अहो हो सुरासुरनरीसरगणा ! एत्थ ताव पढमं चिय भरहच्छेत्ते इमीए
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |