________________
जंबुचरियम् खीणघणघाइकम्मो अहखायं संजमं च संपत्तो । सुद्धो बुद्धो य जिणो सव्वन्नू केवली होइ ॥७६६॥ सो भयवं कयकिच्चो अवगयतत्तो निरंजणो निच्चो । परमप्पा सुद्धप्पा जहत्थवत्ता य सव्वन्नू ॥७६७॥ तेण य सुहासुहाई अरायदोसेण निउणभणियाइं । घेत्तव्वाइं आ ? ]भव्वेण जंतुणा तत्तबुद्धीए ॥७६८॥ तत्तत्थसद्धहाणं सम्मत्तं जेण जिणवरा बिंति । तं होइ निसग्गेणं भव्वाणं अहिगमेणं वा ॥७६९॥ एमेव निसग्गेणं कह व भमंताण भवसमुइंमि । संजायइ जीवाणं सुहाण कम्माण उदएणं ॥७७०॥ दट्टण जिणवरिंदं आयरियं साहु-साहुणिं चावि । अहिगमओ संजायइ तत्तत्थायन्नणपरस्स ॥७७१॥ जीवाजीवा पुन्नं पावासवसंवरो य निज्जरणं । बंधो मोक्खो य तहा नवतत्तत्था जिणक्खाया ॥७७२॥ जीवा मुक्का संसारिणो य संसारिणो य बहुभेया । उवओगो सव्वेसिं जीवाणं लक्खणं भणियं ॥७७३॥ सो अट्टहा य चउहा सागारो तह य चेवणागारो । नाणानाणे पंच-इ(ति)भेए पढमो उ अट्टविहो ॥७७४॥ चक्खुअचक्खुद्दसणा( इंसण अण? )गारो अवहिकेवलं नाणं । एवं एसो चउहा निद्दिट्ठो जिणवरिन्देणं ॥७७५॥ धम्माधम्मागासा य पोग्गला काल अत्थिकाओ य । पंचपयारा जीवा य अत्थिकायामओ लोओ ॥७७६॥ लोयालोएसु गयं आयासं मच्चलोइओ कालो । लोयं भविऊण ठिया चउरो अवसेसया काया ॥७७७॥ आहारो दव्वाणं गइठिइवंताण धम्मकाओत्थ । ठिइउवकिच्चाधम्मो आयासो देइ अवगासं ॥७७८॥
Jain Education International 2010_02
For Private & Personal Use Only
www.jainelibrary.org
