________________
२५३
सोलसमो उद्देसओ
एमाइभत्तिजुत्तो दाणमियं देइ जो अणभिसंगो । संघे गणे गुरूणं गिलाणथेराइसाहूणं ॥७५७॥ सो पावइ ता [वि]उलं सुरगणनरनाहनमियचलणजुओ । सोक्खं सयलगुणनिही अनिदियं निग्गयजसोहं ॥७५८॥ तत्तो पुणो वि संपत्तदंसणो निहणिऊण गुरुमोहं । निट्ठवियकम्मरुक्खो संपावियनाणवररयणो ॥७५९॥ काऊण सेसकम्मक्खयं पि अह निरुवमं ति विहुयरओ । सासयमव्वावाहं पावइ अयरामरं सोक्खं ॥७६०॥ एवं चिय अणगारा तह य अगारा य जिणमयपवन्ना ।
वच्चंति सिद्धिवसहि काउं कम्मक्खयमसेसं ॥७६१॥ तओ एवं च भगवया इह भरहावसप्पिणिनाणदंसणावलद्धासेसलोयालोयपइट्ठियसयलपयत्थवित्थरपच्चक्खापच्छिमकेवलिणा भव्वकुमुयसंडसंबोहणेक्कमयाउव्वसरयससिणा जंबुणाममहरिसिणा भणिए पणिवइया सव्वे वि सुरासुरमणुया भगवओ जंबुपायकमलजुयले भणिउं च समाढत्ता-'भयवं ! एवं इमं जहा तुब्भेहिं समाइटुं । तओ तत्थ के वि सव्वसावज्जजोगविरइलक्खणं साहुकिरियाकलावपरिसेवणपच्चलं च पवन्ना अणगारियं दिक्खं । अन्ने उण विचित्तवयपरिसेवणपरिकुसलं जिणिदगुरुसाहुपूयणकरणेक्क[ ...........*] भावो तहविमुक्कसव्वसंगो य' ।
एवंविहगुणजुत्तो संवरियप्पा निरासवो साहू । परिसुद्धचरणकरणो छिन्नइ नवकम्मसंताणं ॥७६२॥ पुव्वज्जियं खवितो जहुत्तभणियाहिं खवयहेऊहिं । संसारतूलबीयं मूला उम्मूलए मोहं ॥७६३॥ मोहणियं च खवितो खवेइ एयाइं तिन्नि कम्माइं । नाणघणदसणघणं तहंतरायं च निस्सेसं ॥७६४॥ गब्भयसूइपणासे तालस्स जहा धुवो हवइ नासो ।
तह कम्माण विणासो मोहणियखए समुद्दिट्ठो ॥७६५॥ ★ अत्र मूलादर्शे क्रियान् पाठः पतितः प्रतिभाति ।
Jain Education International 2010_02
For Private & Personal Use Only
www.jainelibrary.org
