________________
२३८
जंबुचरियम् ता सव्वहा वि दुलहं संजमरयणं अउन्नजीवाण । एयंमि पुणो लद्धे दुलहं चिय वीरियं होइ ॥५७८॥ तुमए पुण संपत्तं एयं सव्वं पि वीरियसणाहं । पालेसु जहा भणियं गुरूवएसाणुसारेण" ॥५७९॥ इय एसो चउरंगो सुदुल्लहो मोक्खसाहणोवाओ । अहवा वि पनरसंगो भणियं च इमं निसामेह ॥५८०॥ "भूएसु जंगमत्तं तम्मि वि पंचेदियत्तमुक्कोसं । तत्तो वि य माणुस्सं माणुस्से आरिओ देसो ॥५८१॥ [ ] देसे कुलं पहाणं कुले पहाणंमि जाइ मुक्कोसा । तीए रूवसमिद्धी रूवे य बलं पहाणयरं ॥५८२॥ [ ] होइ बले वि य जीयं जीए य पहाणयं तु विन्नाणं । विन्नाणे संमत्तं संमत्ते सीलपडिवत्ती ॥५८३॥ [ ] सीले खाइयभावो खाइयभावे य केवलं नाणं । केवलिए पडिपुन्ने पत्ते परमक्खरे मोक्खो" ॥५८४॥ [ ] पन्नरसंगो एसो समासओ मोक्खसाहणोवाओ । एत्थ बहू पत्तं ते थेवं संपावियव्वं ति ॥५८५।। ता तह कायव्वं ते जह तं पावेसि थेवकालेण । सीलस्स नत्थि सज्झं जयंमि तं पावियं तुमए ॥५८६॥ लभ्रूणं सीलमेयं चिंतामणिकप्पपायवब्भहियं । इह परलोए य तहा सुहावहं परममुणिचरियं ॥५८७॥ एयंमि अप्पमाओ कायव्वो सइ जिणिंदपन्नत्ते ।
भावेयव्वं च तहा विरसं संसारनेउन्नं ॥५८८॥ अन्नं च-चरणकरणेसु सत्तो होसु य धंमंमि निच्छियो धीर ! ।
कुणसु तवं दुविहं चिय बज्झं अभितरं तह य ॥५८९॥ पावंमि होसु विरओ रओ य चारित्तदंसणे नाणे । तग्गयमणो य झाणे किरियाए उक्कडो होसु ॥५९०॥
Jain Education International 2010_02
For Private & Personal Use Only
www.jainelibrary.org
