________________
सोलसमो उद्देसओ
तह जो जिणिदवयणे मिच्छत्तमहंधयाररविकप्पे | लूओं व मन्नइतमं न कुणइ सद्धा तहिं मूढो ॥ ५६५॥ इय सद्धा जिणवयणे दुलहं चिय होइ कम्मरुयाणं । केसि पि जओ जायइ कम्मोवसमेण जीवाणं ॥५६६ ॥ सद्भाकलिओ वि जई संजमजोगं न पावई जीवो । घरपुत्तदारसत्तो निरुज्जमो चरणकरणेसु ॥ ५६७॥ गुरुकम्मवसा जीवा जिणमयदिट्ठीए जाणमाणावि । न य विरमंति अउन्ना पावाओ कुगइमूलाओ ॥५६८ ॥ जह को वि जाणमाणो विसगंठिगुणं तहावि मूढमई । असइपमायवसेणं सो पावइ तस्स विणिवायं ॥५६९॥ तह जो पमायजुत्तो जिणवयणं जाणमाणओ वि नरो । न कुणइ संजमजोगं कुणइ य असमंजसं पावं ॥ ५७० ॥ सो मूढमई पावइ अणोरपारंमि भवसमुद्दमि । विरईरयणविहीणो दुखाइं अनंतकालं पि ॥ ५७१ ॥ जह तक वि याणइ मूलं मरणस्स चोरिया होई । पेच्छइ मारिज्जंते अन्ने जे चोरियासत्ते ॥५७२॥ तह वि न विरमइ पावो एवं जीवो वि जाणमाणो वि । पावस्स फलं मूढो न य गिण्हड़ संजमं तह वि ॥ ५७३ ॥ भणियं च - "जह सयलजलियकाणणवणतणडज्झतभीसणं जलणं ।
ण जाणइ नरो डज्झिज्जइ न य पलाएइ" ॥५७४॥ [ ] तह सत्तुमित्तघरवासजलणजालावलीविलुद्धो वि । जाणइ डज्झामि अहं न य नासइ संजमं तेण ॥ ५७५ ॥ [ ] अज्जं कल्लं परं परं ( कल्लपरारं) विरमामो जा मिमं निवत्तेमि । एवं चिंततो च्चिय ता जा निहणं पि पावेइ ॥५७६॥ अन्ने वि किल विरत्ता संजमपडिकूलसेविणो पावा । तं तं करिंति मूढा जं जं चिय नरयगइमूलं ॥५७७॥
Jain Education International 2010_02
२३७
For Private & Personal Use Only
www.jainelibrary.org
