________________
२२१
जइ रुयसि वि(?)लवसि (?) वेवसि दीणं पुलसि दस वि दिसिचक्के । हाहा पलवसि विलवसि चुक्कसि कत्तो कयंताओ ॥ ३८४॥
सोलसमो उद्देओ
जइ गासि वासि दुम्मण मुज्झसि अह लोलसी धरणिवट्ठे । जंपस मूओ व्व ठिओ चुक्कसि न वि तं कयंताओ ||३८५॥ जं चेव कयं तं चेव भुंजसी नत्थि एत्थ संदेहो । अयं कत्तो पावसि जइ वि सयं देवराओ त्ति ||३८६ ॥ मा हो जूरह [ पुरिसा ] विहवो नत्थि त्ति अम्ह हियणं । जं पुव्वं चिय न कयं तं कत्तो पावसे इण्हि ॥ ३८७॥
मा हो मज्जह पुरिसा विभवो अस्थि त्ति उत्तुणा हिय । किं पि कयं सुकयं वा पुणो वि तं चेव भो कुह || ३८८॥ होऊण अम्ह न हुयं मा दीणा होह इय विचितेह | काऊण पुणो न कयं किं पि पुरा सुंदरं कम्मं" ॥३८९॥
'अहो
तओ इमं च एत्तियं चिंतिऊण पहरिसवयणलोयणेण भणियं पभवेण - ' महाणुभावचरियजंबुकुमार ! सोहणो एस जो तए पसाहिओ उज्जयपहो । दुरंता य संसाराडवी बहुपच्चवायसयसंकुला य । दुल्लहो जिणसत्थवाहो कुसलो य। निव्वाणपुरगमणपहस्स पढमं च सिवउरिसुहं बहुपुन्नफलपसाहणं च । अइकडुयविवागा विसया । बहुदुक्खपरिहरणीया य' ।
भणियं च - " दुक्खं नज्जइ नाणं नाणं नाऊण भावणा दुक्खं ।
भावियमई वि जीवो विसएसु विरज्जए दुक्खं" ॥३९०॥ [ ] तहा नाणावयारदुक्खाओ नारयतिरियनरामरगाईओ, अइबहुकालनिवसणं च पुढविजलानिलवणस्सइकारसु जीवाणं । दुक्खेण य लब्भइ बेइंजियभावो । इंदियपरिवाडीए पुणो वि अइदुल्लहं पंचिदियत्तणं । तत्थ वि मणुयजाई । पुण खेत्ताइयाइं जिणप्पणीयधम्मोवगरणाई । तत्थ वि जिणवरधम्मो । जिणधम्मे य जहाभणियविहाणुट्टाणकरणं । लोहागरगहणपुरिसत्तिभेयतुच्छफलए कुदिट्ठिपणीए धम्मे जच्चकंचणपुरिससरिसो य सिवसुहपसाहणफलो इमो जिणप्पणीओ धम्मो । ता इमं च एत्तियं निसामिऊण विरत्तं मम भवपंजराओ चित्तं । निव्विन्नो य इमाणं
Jain Education International 2010_02
For Private & Personal Use Only
www.jainelibrary.org
