________________
२२०
जंबुचरियम् "नत्थि सरणं जयंमि वि अम्हाणं मोहमूढहियया[णं] । जरमरणाणं(ई?)हितो भणियं च इमं जओ जीव ॥३७२॥ सम्मोहसंभवुभंतदीहमुच्छानिमीलियच्छिस्स । परिट्ठि(परिरंभि?)यसासपरिक्खलंतखलियक्खरगिरस्स ॥३७३॥ आवद्धउद्धसासानिरुद्धघुरुघुरुपुरंतकंठस्स । किं ते होही सरणं अत्थायं तंमि जियलोए ॥३७४॥ निवडंतदंतसंघट्टगाढसंदट्ठहिययपीडस्स। तम्मि समयंमि जरजिय जइ पर धंमो तुमे सरणं ॥३७५॥ वेज्जपरिच्छ(छोन्नवीसन्नविमणवटुंतहिययसोयस्स । आसन्नपत्तपरियणहलबोलकंतविहलस्स ॥३७६॥ आपंडुरखामकवोलदीणदइयामुहं नियंतस्स । पासट्ठियमुद्धडबालतणयहीरंतहिययस्स ॥३७७॥ माया पिया परियणो सयणो वा गरुयनेहपडिबद्धो । अत्थो वा दुक्खसहस्ससंचिओ कुणइ किं ताणं ॥३७८॥ जस्स य कए अकज्जाइं कुणसि नीसेसरोगनिलयस्स । सव्वासुईनिहाणस्स कायकलिणो कयग्घस्स ॥३७९॥ तं चिय इमं सरीरं सउणा खाहिंति जीयविप्पजढं । अह व किमियाण पुंजो होही कूडं व भूईए ॥३८०॥ इय ते सोयंति नरा अप्पाणं मरणदेसकालंमि ।
जे पढमं चिय न कुणंति माणतुंगं तवच्चरणं ॥३८१।। अहवा - मा होह रे विसन्नो जीव ! तुमं विमणदुम्मणो दीणो ।
न हु चिंतिएण फिट्टइ तं दुक्खं जं पुरा रड्यं ॥३८२॥ जइ पइससि पायालं अडविं व दरिं गुहं समुदं वा । पुव्वकयाओ न चुक्कसि अप्पाणं खायसे जइ वि ॥३८३॥
Jain Education International 2010_02
For Private & Personal Use Only
www.jainelibrary.org
