________________
सोलसमो उद्देओ
एवं च विम्हयमणो जं जं नयरीए पेच्छए किंपि । तं तं अदिट्ठपुव्वं दट्ठूणं विम्हियं जाइ || ३६०|| विहिविलसिएण केण वि पुणो वि सो विंझनगवरं पत्तो । पुच्छि सबहिं किं दिट्ठ भद्द ते तत्थ ॥ ३६१||
केरिसया सा नयरी बारवई जीए तं गओ आसि । सो भइ अहो भद्दा ! पच्चक्खं तीए मम सव्वं ॥३६२॥ किं
तु न तीरइ कहिउं तुम्हाण अदिट्ठनयरिरूवाणं । न य अस्थि किं पि विंझे तारिसयं जेण उवमेमि ॥३६३॥
जो तं पेच्छइ नयरिं तीए सो चेव जाणइ सरुवं । सेसो उण न वि याणइ कहिज्जमाणं पि अम्हेहिं ॥ ३६४ ॥
भणियं च - "जह नाम कोइ मेच्छो नयरगुणे बहुवि वियतो ।
न चएइ परिकहेउं उवमाए तहिं असंतीए " ॥ ३६५॥ [ आव.नि./गा. ९८३] ता- सो तेसिं किं साहउ कह वा तेसि पि होउ पडिवत्ती ।
कहिए वि तेण तीए नयरीए किल सरूवंमि ॥ ३६६ ॥
एवं नेव्वाणसुहं नीरुवमं कह व साहिमो तुम्ह | तं पुण जिहिं दिट्टं वियाणियं तह सरूवेण ॥ ३६७॥
साहिंतु ते वि कह तं वियाणमाणा वि उयवमा (उवमया) रहियं । कह साहियं पि होज्जा पडिवत्ती होउ कह तस्स ॥ ३६८ ॥
अत्थं (च्चं ) तेगंतसुहं अव्वाबाहं नीरुवमं परमं । अयलमरूवमणतं सिवसासयमक्खयसरूवं ॥ ३६९ ॥
ता एत्थ इमं सारं जं कह वि हु पाविऊण मणुयत्तं । साहिज्जइ अच्वंतं सासयसोक्खं अणाबाहं ॥ ३७० ॥
सोऊण एवमेयं पभवो संसारचारवासस्स । भीओ निययमणेणं चिंतेउं एवमादत्तो ॥ ३७१॥
Jain Education International 2010_02
२१९
For Private & Personal Use Only
www.jainelibrary.org
