________________
२१८
जंबुचरियम् भणियं च- "न वि अस्थि माणुसाणं, तं सोक्खं न वि य सव्वदेवाणं ।
जं सिद्धाणं सोक्खं अव्वाबाहं उवगयाणं" ॥३४८॥[आव.नि./गा.९८०] "सुरगणसुहं समत्तं सव्वद्धापिंडियं अणंतगुणं ।
न विपावइ मोत्तिसुहं अ( ? )णताहि विवग्गवग्गूहि" ॥३४९॥[आ.नि.९८१] "सिद्धस्स हो रासी सव्वद्धा पिंडिओ जइ हवेज्ज । सोऽणंतवग्गभइओ सव्वागासे न माएज्जा" ॥३५०॥[आव.नि./गा.९८२] ता कह तं साहिज्जउ उवमा जस्सेत्थ नत्थि भुवर्णमि । तह वि सुणिज्जउ पयडं जिणभणियं एत्थ दिटुंतं ॥३५१॥ "जह को वि मेच्छपुरिसो विंझधराधरनियंबपरिवासी । विहिजोएणं पत्तो बारवई पुरवरिं रम्म" ॥३५२॥ कणयमयसालवलयं पेच्छइ सो तत्थ तुंगसिहरढें । उत्तत्तकणयघडिए तुंगे य विसालपासाए ॥३५३।। कणयमयसालिभंजियवेइयमाणिक्ककोट्टिमे रम्मे । जिणभवणे उत्तुंगे पेच्छइ वररयणदिप्पते ॥३५४॥ जिणवय(भव)णसिहरसंठियरयणसमुल्लसियकरसमूहेहिं । पेच्छइ गयणनिबद्धे सुरचावे पायडे तत्थ ॥३५५।। लायन्नरूवपोरुसविविहगुणकलाकलावपरिकलिए । पेच्छइ जायवकुमरे देवकुमारोवमे तत्थ ॥३५६।। रयणवरभूसणमयूहजालबद्धिंदविविहचावाओ । जायवविलासिणीओ पेच्छइ सुरविलयसरिसाओ ॥३५७॥ अण्णं च तत्थ सव्वं पेच्छइ असुयं अदिट्ठपुव्वं च ।
दट्टण विम्हिओ सो सुरलोयसमं पुर्रि दिव्वं ॥३५८॥ तओ चिंतिउं पयत्तो । अवि य- किं एस होज्ज सग्गो मोक्खो वा किं व परभवो एस ।
किं वा वि इंदयालं किं वा सुमिणंतरं किं पि ॥३५९॥
Jain Education International 2010_02
For Private & Personal Use Only
www.jainelibrary.org
