________________
सोलसमो उद्देसओ
२१७ __ तओ इमं च एत्तियं निसामिऊण संजायगरुयमहाभयसंसारमहन्नववेरग्गाहिं उप्पन्नसव्वविरइमणग्धेयरयणचित्ताहिं करकमलविरइयंजलिउडाहिं भणियं सिंधुमइपमुहाहिं अट्ठहिं वि जंबुणामजायाहिं । अवि य- उत्तारियाओ मन्ने संसारमहासमुद्ददुक्खाओ।
दाऊण सव्वविरइं जगुत्तमं सामि ते अम्हे ॥३३७॥ ता पज्जत्तमिमेहिं दुट्ठविवाएहिं अम्ह भोएहिं । निव्विन्नाओ अम्हे इमाण संसारकारीण ॥३३८॥ तुब्भेहिं समं सामिय ! पच्चूसे गणहरिंदपासंमि । गिण्हामो पव्वज्जं सव्वाओ ते अणुन्नाओ ॥३३९॥ एक्कं पुण साहिज्जइ इमेण जं पुच्छियं कुमारेण ।
पभवेमि (?) सामि ! सोक्खं मोक्खे किल केरिसं होइ ॥३४०॥ तओ इमं च निसामिऊण भणियं जंबुणामेणअवि य- सव्वन्नुवयणवित्थरपयत्थपय(र)मत्थलद्धसारेहिं ।
भविएहिं किच्चमेयं वयगहणं जिणसमुद्दिढें ॥३४१॥ ता सुट्ट सुंदरो च्चिय ववसाओ एस तुम्ह संजाओ । निव्वाणसुहपसाहणनिच्छियमणसाण सव्वाण ॥३४२॥ जं पुण नेव्वाणसुहं तं कह अम्हेहिं नाणरहिएहिं । साहेऊण तरिज्जइ तह वि य वोच्छं जिणुद्दिटुं ॥३४३॥ "सव्वनरामरसोक्खं भूय-भविस्सं च वट्टमाणं च ।। बुद्धीए कप्पिऊणं कीरइ एगथपिंडोलो ॥३४४॥ [ ] एक्कसमएण सोक्खं उप्पन्नं जं च एक्कसिद्धस्स । तं तेण समं कीरइ बुद्धीए नरामरसुहेण ॥३४५॥ [ ] वडवीय-सुरगिरीणं जेत्तियमेत्तं तु अंतरं तत्थ । तेत्तियमेत्तं तेर्सि दोण्ह वि किं होउ सोक्खाण" ॥३४६॥ [ ] अलियस्स वीहमाणो होउ त्ति न जंपिमो अहं एयं । जेणंतरं महंतं तेसिं सोक्खाण तं दिटुं ॥३४७॥
Jain Education International 2010_02
For Private & Personal Use Only
www.jainelibrary.org
