________________
२१५
सोलसमो उद्देसओ
सिंभो लाला वयणे सिंघाणो नासियाए नीहरइ । नयणे सुदूसियाओ कन्नेसु मलो दुरहिगंधो ॥३११॥ [ ] मुत्तपुरीसाईयं सेफा वाणाइसु (?) सव्वेसु । नीसरइ दुरहिगंधं बीभच्छं लज्जणीयं च ॥३१२॥ [ ] तं पि जराअक्कंतं पयडियवलिपलियनहरसमजालं ।। विगलियदसणं पयडट्ठियं च ओहोइ हासणयं ॥३१३॥ [ ] थरहरइ सिरं कंपंति हत्थया गलइ नासियाविवरं । चुक्कइ दिट्ठी न सुणंति कन्नया खलइ वाया वि ॥३१४॥ [ ] तं चेव इमं देहं अन्नहरूवं जराए संजायं ।
पायडियकडिक्कपहं पायडवयणं दुगुंछणियं" ॥३१५॥ [ ] भणियं च- "चच्चरनिरंतरुब्भडजच्चंजणजलयसामला जे वि ।
परिणमिउं कालवसेण ते वि कह पंडुरा जाया" ॥३१६॥ [ ] रत्तंतधवलपम्हलसललियभूभंगतरलताराई । नयणाइं गलंति विहीवसेण जरछज्जगेहं व ॥३१७॥ [ ] जे सव्वसत्थसललियमहरिहगंधव्वकव्वसुइसुहया । कन्ना दुप्पुत्तजुवाणय व्व भणियं पि नि(न) सुणिति ॥३१८॥ [ ] जे वि समसहियनिद्धनिम्मललक्खारसरायरंजियच्छाया( ? )। दीसंति पविरला सज्जण व्व दंता दुरालक्खा ॥३१९॥ [ ] जा विविहकलाकोसल्लपणइयणगुणमणोहरा वाणी । सा मुद्धयकंठपरिक्खलंतखलियक्खरा जाया ॥३२०॥ [ ] जं समयनाभिपुव्वं दिटुं चवलाहि ताहि तरुणीहिं । चलणजुयलं नमिज्जइ तं पिय गुरुभत्तिराएणं ॥३२१॥ [ ] वयणं वाहाजुयलं अणोवमं विणयनेहपडिबद्धं । कह विहिवसेण जायं घुणक्खरुब्भिन्नकट्ठ व" ॥३२२॥ [ ] इय ते सोयंति नरा नारायणसरिसया वि जियलोए । जे पढम चिय न कुणंति मोक्खहेउं तवच्चरणं ॥३२३॥ [ ]
___Jain Education International 2010_02
For Private & Personal Use Only
www.jainelibrary.org
