________________
२१४
जंबुचरियम् अवरे तवगारविया किर किरिया मोक्खसाहणी भणिया । उज्झंति ते विमूढा धावंता अंधला चेव ॥२९९॥ [ ] इय बहवे जाणंता तह वि महामोहपसरभरमूढा । न कुणंति जिणवराणं आणं सोक्खाण संताणं" ॥३००॥ [ ] ता पत्ते मणुयत्ते धम्मे य जिणिंदभासिए विमले । उज्जमियव्वं सव्वायरेण विसए विमोत्तूण ॥३०१॥ मणुयत्तणं च जाणसु ओसाजललवतुसारसमसारं । खणदिट्ठनट्ठविहवं वाहिसयसमाउलं निच्चं ॥३०२॥ बहिरम्मं दीसंतं अभितरअसुइपूइपडिपुन्नं । दुग्गंधं बीभच्छं नवसोत्तचिलिच्चिलचिलीणं ॥३०३॥ खणसोहियरमणीयं खणमणहररूवजोव्वणविलासं । खणरिद्धिदेहजीवियपरिसंठियअसुहपरिणामं ॥३०४॥ नाऊण चंचलमिमं आउं तह जोव्वणं च जीयं च । जुवईण य असुइत्तं देहस्स य भंगुरत्तं च ॥३०५॥ काऊणं समभावं अविहिंसालक्खणं जिणक्खायं । गिण्हह य धम्मरयणं परलोयहियं पयत्तेण ॥३०६॥ मा मुज्झह घरवासे इमाण किपागतरुफलसमाणं ।
अंतेसु दारुणाणं तुच्छाण कएण विसयाणं ॥३०७॥ जओ- देहस्स उप्पत्ती एवंविहा वन्निया समयन्नूहि
"रसरुहिरमंसमेओ अट्ठी मज्जा य सुक्कथाऊ य । . देहस्स य उप्पत्ती एसा किं तत्थ राएणं ॥३०८॥ [ ] पच्चक्खं चिय दीसइ नवसु विसोत्तेसु असुइनिज्जासो । बहिरंतगलंतमलो निच्चं असुभो दुरहिगंधो ॥३०९॥ [ ] जं चिय कुंकुमचंदणकप्पूरसुयंधपरिमलायड्ढे । तं होइ असुइगंधं देहविलग्गं खणद्धेण ॥३१०॥[ ]
Jain Education International 2010_02
For Private & Personal Use Only
www.jainelibrary.org
