________________
सोलसमो उद्देसओ
२१३ खेत्ताईसुविसुद्धे लद्धे मणुयत्तणे वि अइदुलहं ।
संसारसमुद्धरणं जिणिंदवयणामयं एयं ॥२८६॥ भणियं च- "रयणायरं पि पत्तो रयणाइं पवरसोक्खसाराई ।
जह विरलो च्चिय पावइ, तह मणुयत्ते वि जिणधंमो" ॥२८७॥ [ ] अइदुल्लहे वि य(प)त्ते] इमंमि जइ कुणइ संजगुच्छाहं । ता सहलं चिय सव्वं अन्नह किं तेण लद्धेण ॥२८८॥ लद्धं अलद्धपुव्वं जिणवयणं भवसएहिं बहुएहिं । लद्धं पि अलद्धसमं जं न कयं जं जहा भणियं ॥२८९॥ भणियं च एत्थ कविणा जिणिंदवयणंमि भावियमणेण । तं पहव ! निसामिज्जउ साहिप्पंतं समासेण ॥२९०॥ "एक्के नयणं तच्चिय जिणवरमग्गं न चेव पावंति । अवरे लद्धे वि पुणो संदेहं नवर चिंतिति ॥२९१॥ [ ] अन्नाण होइ संका न याणिमो कह व हो[ ज्ज ]से धम्मो । अवरे भणंति मूढा सव्वो धम्मो समो चेव ॥२९२॥ [ ] अवरे बुद्धिविहूणा रत्ता सत्ता कुतित्थिसत्थेसु । के वि पसंसंति पुणो चरग-परिवायदिक्खाओ ॥२९३॥ [ ] अवरे जाणंत च्चिय धम्माधम्माण जं फलं लोए । तह वि य करिन्ति पावं पुव्वज्जियकम्मदोसेण ॥२९४॥ [ ] अवरे सामन्नं चिय पत्ता घणरागदोसमूढमणा । पेसन्ननियडिकोवेहिं भीमरूवेहि धिप्पंति ॥२९५॥ [ ] अन्ने भवसयदुलहं पावेऊणं जिणिंदवरमग्गं । विसयामिसमूढमणा संजमजोए न लग्गंति ॥२९६॥ [ ] न य हुंति ताण भोगा न य धंमो अलियविरइआसाणं । लोयाण दुन्नि चुक्का न य सग्गे खत्तियकुले य ॥२९७॥ [ ] अवरे उण नाणेणं सव्वं किर जाणियं ति अम्हेहिं । पेच्छंत च्चिय दड्डा जह वंगुलया वणदवेण ॥२९८॥ [ ]
Jain Education International 2010_02
For Private & Personal Use Only
www.jainelibrary.org
