________________
२१२
जंबुचरियम् चिट्ठउ ता मणुयत्तं कह वि किलेसेण एत्थ संसारे ।
जोणिबहुलक्खपुन्ने लब्भइ बेइंदियत्तं पि ॥२७४॥ जओ- एसो पुढविकाए असंखकालं वि नियसए जीवो ।
चिट्ठइ असंखगुणियं आउक्काए पुणो वेस ॥२७५॥ तेउक्काए वि तहा वाउंमि वणस्सइंमि य अणंते । कायट्ठिईएँ एवं पवाहपेक्खाए अक्खायं ॥२७६॥ कह वि तुलग्गेणेवं इमाण कायाण उप्फडेऊण । संपावइ बेइंदियभावं तसकम्मउदएण ॥२७७॥ परिवाडीए एवं लहई पंचिंदियत्तणं जीवो । लद्धे वि तंमि एवं मणुयत्तं दुल्लहं होइ ॥२७८॥ जह रयणं मयरहरे पब्भटुं दुल्लहं पुणो होइ ।
एवं पुणो वि जम्मो सुदुल्लहो मणुयजाईए ॥२७९॥ भणियं च- "चोल्लगपासगधन्ने जु( जू )ए रयणे य सुमिणचक्के य ।
चम्मजुगे परमाणू दस दिटुंता मणुयजंमे" ॥२८०॥ [ उत्त.नि. गा.१६० ] वित्थरभयाओ न मए दिटुंता एत्थ विरइया एए । तह सुयसिद्धंताओ ससूयणीया विमलधिइहिं ॥२८१॥ एवं चिमेण विहिणा दुल्लहलंभं पि कह वि लहिऊण । धम्मस्स साहणाई खेत्ताईयाइं न लभेइ ॥२८२॥ "माणुस्स-खेत्त-जाई-कुल-रूवारोगमाउयं बुद्धी । समणोग्गह-सद्धा-संजमो य लोगंमि दुलहाई" ॥२८३॥[उत्त.नि. गा.१५९ ] नाऊण एवमेवं संसारे दुल्लहं मणुयजम्मं ।
धंमंमि समुच्छाहो कायव्वो अप्पमत्तेहिं ॥२८४॥ भणियं च- “जोणीसहस्साणि बहूणि गंतुं, चिरस्स लळूण य माणुसत्तं ।
सहावहं जे न चरंति धंमं, नरा हु ते अप्पयसत्तुभूया" ॥२८५॥ [ ]
Jain Education International 2010_02
For Private & Personal Use Only
www.jainelibrary.org
