________________
२११
सोलसमो उद्देसओ
एवं नित्थरिऊणं भवाडविं सयलकम्मपरिमुक्का । जीवा निव्वाणपुरे पाविति अणोवमं सोक्खं ॥२६४।। जे सद्दरूवरसगंधफासपरिमोहिया इमं पंथं । मोत्तूण उप्पहेणं वच्चंति नरा कुबुद्धीया ॥२६५॥ ते पुण हिंडंति इमं अणोरपारं सुदुत्तरं घोरं । सयलदुहाण निहाणं भीमं संसारमयरहरं ॥२६६॥ एत्थ जिणवयणपोयं मोत्तूण तरंडयं न उण अन्नं ।
तस्सेय जेण वयणं होइ अवंझं अगाराओ ॥२६७॥ भणियं च- "रागाओ दोसाओ मोहाओ वा भणेइ अलियाई ।
जस्स न एए दोसा भण अलिए तस्स को जोगो" ॥२६८॥ [ ] ता सव्वहा आएयं सजुत्तिमत्ताओ इमं जिणवयणं । भणियं च- "जुत्तीखमं च वयणं कोहकसायाइसूडणं परमं ।
हिंसाइदोसरहियं परमपयनिसेवणं गुज्झं" ॥२६९॥ [ ] तहा पहव ! दुल्लहं च इमं जिणवयणं । जओ भणियं
"घणघाइचउक्कयंमि भवणमूलभूयए, रागाइसमुन्भवंमि खीणंमि असुहकम्मए । उल्लसिए केवलंमि सयलपयत्थसाहए, उवएसो जो जिणाण तं पावेइ सउन्नओ" ॥२७०॥ [ ] ता एयं नाऊणं संसारमहाडविं दुरुत्तारं । उज्जयपहेण लग्गह जिणभणियविहाणुसारेण ॥२७१॥ परलोयगमणनेव्वाणसाहणं जं जिणेहिं उवइटुं ।
गिण्हह वरपच्छयणं पुणो वि मणुयत्तणं दुलहं ॥२७२।। भणियं च- "माणुसत्ताओ पब्भट्ठो बुड्डो संसारसायरे ।
दुक्खेण लहइ पाणी माणुसत्तं पुणो पुणो" ॥२७३॥ [ ]
Jain Education International 2010_02
For Private & Personal Use Only
www.jainelibrary.org
