________________
२१०
जंबुचरियम् पवरमणोहरकूले सुदीहसंसारसायरे घोरे । द₹णं भममाणा दुक्खत्ते पाणिणो बहवे ॥२५२॥ सपरोवयारकरणक्कवच्छलो तिहुयणेक्कहियजुत्तो। गंभीरोदारो वासवो व्व परमत्थकुसलो य ॥२५३॥ एए उद्धरिऊणं इमाओ भीमाओ भवसमुद्दाओ । आरोवेमि सिवपुरिं अच्चंतेगंतसुहठाणं ॥२५४॥ एवं परिकलिऊणं सरिसा उग्घोसणाए धम्मकहा । सव्वेसिं सत्ताणं परिकहइ हियत्थबुद्धीए ॥२५५।। सत्थियपुरिसा जीवा अडवी य भवाडवी इमा नेया । सरलपहो जइधम्मो सावयमग्गो भवे इयरो ॥२५६।। पप्पपुरं पुण मोक्खो हरि-पुल्ली हुँति राग-दोसा य । निहणंति ते वि जीवं मोक्खं पइ पत्थियं दो वि ॥२५७॥ न मुयंति मग्गचारं जा पत्तं केवलं वरं नाणं । इत्थीसंसत्ताओ वसहीओ सीयला रुक्खा ॥२५८।। परिसडियपंडुपत्ता रुक्खा सुद्धाओ हुंति वसहीओ । मग्गतडट्ठा पुरिसा पासंडी ते मुणेयव्वा ॥२५९॥ तह सत्थिगा य साहू कोहो य दवानलो मुणेयव्वो । सेलो य होइ माणो वंक(स)कुडंगी भवे माया ॥२६०॥ खड्डोलगो य लोहो पूरिज्जंतो ज जाइ वित्थारं । इच्छामणोरहादओ किंपागफलोवमा विसया ॥२६१॥ बावीसं पि पिसाया परीसहा विरसभोयणं भिक्खा । दोसेहिं विप्पमुक्का उवलद्धा भमरवित्तीए ॥२६२।। अपयाणगं तु निच्चं नायव्वं संजमे समुच्छाहो । जामदुगे सज्झाओ कायव्वो निच्च कालं पि ॥२६३॥
Jain Education International 2010_02
For Private & Personal Use Only
www.jainelibrary.org
