________________
२०७
सोलसमो उद्देसओ
ता मोएमि इमाओ बहुदुक्खदरिद्ददोसनियराओ।
आरोवेमि इमं से निरुवहयसुहालए ठाणे ॥२१६॥ भणियं च- "पहमित्थत्थे( ?) जीयं रूवं तारुन्नयं च दइयाए ।
विहलुद्धरणे य धणं जस्स गयं किं गयं तस्स" ॥२१७॥ [ ] जओ सुव्वइ य
"रूवेण किं गुणपरक्कमवज्जिएण, अत्थेण किं किविणहत्थगएण लोए ।
नाणेण किंबहुजणाणुवगारएण, मित्तेण किं वसणकज्जपरंमुहेण" ॥२१८॥ तहा- तणलग्गविसमसंठियपवणाहयसलिलबबिंदुसरिसेण ।
विहवेण जइ विढप्पइ थिरो जसो किं न पज्जत्तं ॥२१९॥ चिंतेऊणं एवं कया य उग्घोसणा तहिं नयरे । धणनामसत्थवाहो निवसइ जो एत्थ नयरीए ॥२२०॥ सो एस रयणदीवं मि पत्थिओ सिवउरिं महानयरिं । जो वच्चइ सह तेणं तस्स य सो भलइ सव्वेण ॥२२१॥ सोऊण इमं ताहे बहुओ संपत्थिओ जणो तत्थ । सो तेसिं मिलियाणं परिकहिओ पंथगुण-दोसो ॥२२२॥ भो भो निसुणह लोया ! अववाओ मा भविस्सए मज्झ । मा मा अयाणमाणा वसणं पावेह तुम्हेत्थ ॥२२३॥ अडवी तत्थ महंता सिवउरिनयरीए अंतरालंमि । पंथा य दोन्नि तीए समुज्जओ तह य वंको उ ॥२२४॥ वंकेण तत्थ बहुणा गम्मइ कालेण सुहतरागं च । उव(त्त?)रइ सो वि अंते समुज्जगं नवर जं पंथं ॥२२५॥ इयरेण गम्मइ दुहं लहुं च सो जेण विसमतणुओ य ।
ओयारे च्चिय घोरा वग्घा सीहा य निवसंति ॥२२६॥ पाएण ते वि दोन्नि वि कह वि पमाएणं पंथभट्ठाणं । लग्गंति न उण पंथे वच्चंति य जाव अवसाणं ॥२२७॥
Jain Education International 2010_02
For Private & Personal Use Only
www.jainelibrary.org
