________________
२०६
जंबुचरियम् सामि ! तए उद्धरिओ भीमावत्तंमि भवसमुइंमि । निवडतो ना(दा)ऊणं जिणवयणालंबणं मज्झ ॥२०९।। मोत्तूण जिणे तह साहुणो य सरणं तुमं पि मोत्तूणं ।
अन्नो को वि न विज्जइ मज्झं संसारभीयस्स ॥२१०॥ तओ जंबुणामेण-'पभव ! किच्चमेयं भवियाणं जिणवयणदिट्ठीए उबलद्धपुन्नपावाणं । जओ, विसमो एस संसारो । बहुदुक्खाओ नरएसु वेयणाओ । अच्चंतदुल्लहो जिणयन्दपणीओ एस संसारुत्तरणवरमग्गो । दुप्परिपालो संजमगुरुभारभरो बंधणायारो घरनिवासो । नियलाई दाराई महाभयमन्ताणं । बहुदुक्खदुक्खिया जंतूणो । सुसुंदरो धम्मोवएसो । सुलहा धम्मायरिया । तुलग्गलग्गं माणुसत्तणं । विवागदारुणा विसओवमा भोगा। नरयगइमूलं परधणावहरणं । महादुक्खहेऊ पाणिवहो । ता इमं जाणिऊण गिण्हसु सम्मत्तं । पडिवज्जसु साहुदक्खिन्नं । निसेवसु मोक्खपहसाहणाई चरणकरणाई' ।
तओ इमं च निसामिऊण भणियं पभवेण-'कह पुण जंबुकुमार ! एस मोक्खो अम्हारिसेहिं साहियव्वो । को वा इमस्स पसाहणमग्गो, केरिसं वा तत्थगयाणं सुहं' ति ।
तओ इमं च निसामिऊण भणियं जंबुकुमारेण-'सोम ! सोहणं ते पुच्छियं, ता निसुणसु इमं' ति । अवि य- अत्थि अवंतीविसए उज्जेणी नाम पुरवरी पयडा ।
नरनाहो पउमरहो देवी कमलप्पहा तस्स ॥२११॥ तत्थत्थि धणभिहाणो सत्थाहो दसदिसीसुविक्खाओ । कारुणि[यो] दयजुत्तो धम्मिट्ठो सयलगुणकलिओ ॥२१२।। सो अन्नया कयाई भंडं भरिऊण रयणदीवंमि । संपत्थिओ महप्पा नवरं चिंतेइ हियएणं ॥२१३।। इह पुरिसेण सयं चिय नियकुलअहिमाणमुव्वहंतेण । सपरोवयारकरणे पयट्टियव्वं सया कालं ॥२१४॥ दारिद्ददोसदुक्खाभिओगपरिपीडिओ जणो एत्थ । परिवसइ छुहकंतो निच्चं परपेसणासत्तो ॥२१५।।
Jain Education International 2010_02
For Private & Personal Use Only
www.jainelibrary.org
