________________
२०५
सोलसमो उद्देसओ
सम्मत्तं जिणधम्मे पाउब्भूयंमि होइ जीवस्स । मिच्छत्तं नायव्वं लोइयधम्मेसु सव्वेसु ॥१९७॥ मीसं पुण पडिवज्जइ जिणमइए लोइए य जं भावे । जीवो तं नायव्वं कम्माण गुरुत्तणेणेवं ॥१९८॥ सम्मत्तस्स य भावो सुदेव-मणुयत्तणं लहइ जीवो । अन्ते नेव्वाणसुहं अचिरेणं पावए एसो ॥१९९।। सम्मामिच्छत्तेणं साहेइ इमाइं दीहकालेण । सम्मत्तपुव्वगाइं तेसिं मूलं इमं जेण ॥२००।। मिच्छत्तेणं जीवो विमुहो च्चिय होइ मोक्खमग्गस्स ।
जेण इमं असुहाणं मूलं कम्माण सव्वेसि ॥२०१॥ जओ जिणवयणं
"एयस्स पुण निमित्तं मिच्छत्तं अविरई य अन्नाणं । जोगा तहा कसाया हुंति पमाया य नायव्वा" ॥२०२॥ [ ] ता कह सेओ लोहागरो व्व इह तइयपुरिससरिसाणं । जीवाणेस कुहम्मो होइ कुदेवो व्व जुत्तीए ॥२०३।। ता सोम ! कह विरुज्झउ एवं सव्वन्नुइट्ठदिट्ठीए । सव्वं पि जओ मिच्छा कुदिट्ठदिट्ठीहिं इह दिट्ठी(8) ॥२०४॥ अहवा फुडं विरुज्झइ मिच्छादिटुं कुदिट्ठदिट्ठीहि । सव्वन्नुणा न एवं अविसंवायाओ भावाणं ॥२०५॥ ता मुंचसु असगाहो कुदिट्ठदिट्ठीहिं जो इमो दिट्ठो । पडिवज्ज सम्मभावं जइ इच्छसि अप्पणो सिद्धि" ॥२०६॥ संभूयसम्मभावो विगलियमिच्छत्तदंसणो सहसा । सोऊण इमं पभवो पणिवईओ जंबुचलणेसु ॥२०७॥ परिओसनिब्भरमणो सहरिसपगलंतनयणबाहजलो । रोमंचकंचुयंगो एवं भणिउं समाढत्तो ॥२०८।।
Jain Education International 2010_02
For Private & Personal Use Only
www.jainelibrary.org
