________________
२०४
जंबुचरियम् तइएण पुण न मुक्कं तं लोहं नेय कंचणं गहियं । पढमेण तओ भणिया ते दो वि[य] सायरं पुरिसा ॥१८५।। मुंचह एयारं तुमे गिण्हह एयं सुवन्नपब्भारं । पावेह जेण दोन्नि वि लाहं हियइच्छियं विउलं ॥१८६।। एक्केण तओ भणियं तिन्नि वि गहियाइं मे तिभायाइं । दूरं मे वूहाई मुंचामिह सव्वहा कहणु ॥१८७॥ तइएण पुणो भणियं लोहं मुंचामि कहमहं एयं । दूराओ जं हं भारकिलंतेण देहेण ॥१८८।। एवं बहुहा भणिया ते न य गिण्हंति कंचणं जाहे । ताहे सो निव्वण्णो तेसिं उवएसदाणस्स ॥१८९॥ ते आसाइयलाभा तिन्नि वि वलिऊण निययनयरंमि । पत्ता कालकमेणं नियनियगेहेसु य पविट्ठा ॥१९०॥ पत्तो पढमो रिद्धि बीओ वि य मज्झिमं न उण तईओ । एयस्स उवणयमिमं सुण दिटुंतस्स तं सोम ! ॥१९१॥ "जे ते तिण्णि मणुस्सा जीवा ते हुन्ति एत्थ नायव्वा । नामेहिं पसिद्धेहि इमेहिं जह तह निसामेह ॥१९२॥ पढमा सम्मद्दिट्ठी बीया पुण सम्म-मिच्छदिट्ठी य । तइया य मिच्छदिट्ठी नायव्वा हुंति जहसंखं ॥१९३।। अडवी उण नायव्वा संसारमहाडवी इमा भीमा । हिंडंति कम्मवसगा इमीए एए चिरं जीवा ॥१९४॥ दालिदं नायव्वं कम्मं जीवाण दुक्खसंजणगं । हिंडंति तेण एए संसारमहाडवी(वि) भीमं ॥१९५॥ ते आगरा य तिन्नि वि मिच्छं मीसं च होइ सम्मं च । एएसिं तु फलाई हुंति य लोहाइसरिसाइं ॥१९६॥
Jain Education International 2010_02
For Private & Personal Use Only
www.jainelibrary.org
