________________
२०२
तम्हा जिणंमि भत्ती दाणं साहूण होइ दायव्वं । अविरुद्धसो धम्मो धम्मे य मई जिणुद्दिट्ठो (ट्ठा)'' ॥१६०॥
जंबुचम्ि
तओ इमं च एत्तियं निसामिऊण भणियं पभवेण - 'अहो जंबुणाम! एवं पुण
कहं जं सुव्वइ सोम ! सुईए' ।
अवि य- " सव्वे वि वंदणीया देवा धम्मा य हुंति आएया ।
जो जस्स को विधम्मो देवो वा तस्स सो सेओ || १६१ ॥ एयं कह न विरुज्झइ जं सुव्वइ लोयसत्थसूईसु । सव्वण्णुवयणवित्थरभणिएण इमेण धम्मेण ॥१६२॥ तओ जंबुणामेण भणियं - ' निसुणसु एत्थ पभव !' | अवि य- " सव्वे न निंदणीया सेयं भज्जतु वंदणीयाउ ।
गुण-दोसवियारे उण निंद-पसंसाण को संगो ॥ १६३ ॥ जो राग-दोसमूढा मारिंति मरिति अप्पणा तह य । तेसिं तु वंदणमिमं सेयाय न होइ कीरंतं" ॥१६४॥ जेण - पत्तं तं देवत्तं इमेण जं रागदोसमूढाणं ।
देवाणं जीवेणं अणेयसो अप्पणा चेव ॥ १६५ ॥ तह य न जातं किंचि वि इमस्स संसारदुक्खसंतरणं । ता एयमप्पमाणं न सव्वहा होइ आएयं ॥१६६॥
धम्मा पुण आया सव्वे वि तुमेत्थ सोम ! जं भणियं । तं म( स ? ) त्थपयाणेण वि मिच्छाणं वन्निओ धम्मो ॥ १६७॥
ता किं सो आएओ एवं अन्ने वि जे विरुज्झति । परलोयं पड़ धम्मा ते किं इह हुंति आएया ॥ १६८ ॥ सव्वे वि जओ एए सरायपुरिसेहिं भासिया सोम ! | जीवोवद्दवहेऊ न सम्मया मोक्खमग्गस्स ॥ १६९॥ ता सव्वा वि एए उवेक्खणीया न सोम ! आया । बुद्धिमया पुरिसेणं भावियजिणवयणसारेणं ॥ १७० ॥ जो जस्स को वि धम्मो, देवो वा हवउ तस्स सो सेओ । जं ते भणियं तत्थ वि न संगओ एस ते पक्खो ॥ १७१ ॥
Jain Education International 2010_02
For Private & Personal Use Only
www.jainelibrary.org
