________________
२०१
सोलसमो उद्देसओ
जो विह देह कमारिं सो विह रायं करेड़ गिद्धि च । रागेण हवइ मोहो मोहेण वि दुग्गईगमणं ॥१४७॥ हेमं भयावहं पुण आरंभपरिग्गहस्स आमूलं । तम्हा वज्जंति मुणी चत्तारि इमाइं दाणाइं ॥१४८॥ नाणाभयप्पयाणं फासुयदाणं च भेसजं चेव । एए हवंति दाणे उवट्ठा वीयरागेहिं ॥१४९॥ नाणेण जिव्वनाणी दीहाऊ होइ अभयदाणेण । आहारेण य भोगा पावइ दाया न संदेहो ॥१५०॥ लहड य दिव्वसरीरं साहूणं भेसजस्स दाहा(या)रो । निरुवहयअंग(गु)वंगो उत्तमभोगं [च] अणुहवइ ॥१५१॥ जह खेत्तंमि सुकिटे सुपउत्तं अब्भुयं हवइ वीयं । तह संजयाण दाणं महंतपुन्नावहं होइ ॥१५२॥ जह ऊसरम्मि बीयं खित्तं न य होइ तस्स परिवडी । तह मिच्छत्तमइल्ले पत्ते अफलं हवइ दाणं ॥१५३॥ विविहाउहगहियकरा सव्वे देवा कसायसंजुत्ता । कामरइरागवसगा निच्चं कयमंडणाहरणा ॥१५४॥ जे एवमाइदेवा न हु ते दाणस्स हुंति नेयारा । सयमेव जे न तिन्ना कह ते तारिति अन्नजणं ? ॥१५५॥ जे य पुण वीयराया तित्थयरा सव्वदोसपरिमुक्का । ते हुंति नवर लोए उत्तमदाणस्स नेयारा ॥१५६॥ जे जिणवराण धम्मं करिति पडिमा य छिन्नसंगाणं । पूयासु य उज्जुत्ता ते हंति सुरा महिड्डीया ॥१५७॥ धयपडहपट्टबंधा धूयं दीवं च जे जिणाययणे । दिति नरा सोममणा ते वि य देवत्तणमुर्विति ॥१५८॥ एवंविहं तु दाणं दाऊण नरा परंपरसुहाई । भोत्तूण देव-मणुयत्तणमि पच्छा सिवं जंति ॥१५९॥
Jain Education International 2010_02
For Private & Personal Use Only
www.jainelibrary.org
