________________
२००
सुरयं च रागजणणं दोसस्स विवड्डणं तहा भणियं । रागद्दोसा य इमे मूलं संसारचक्कस्स" ॥१३४॥ [ ] इय एवं पयडो च्चिय दोसो एएहिं दीसए एत्थ । के वि पुण एत्थ मूढा धम्मत्थं नवर सेवंति ॥ १३५ ॥ न उण मुणिति वया धम्मो तवनियमचरणकरणेहिं । अपवग्गसाहणो इह पन्नत्तो लोगनाहेहिं ॥ १३६॥
44
'अजयाण य जं दाणं दिज्जइ तं नो कयाइ तारेइ । उयहिनिहित्ता हु सिला अग्गसिलं उयहिमज्झमि ॥१३७॥ गोनंगलमाईयं दाणं संसारकारणं नेयं । मूलं सव्वदुहाणं मूढा एय न याणंति ॥ १३८॥ तवनियमकिलंताणं सद्धासक्कारदोसपरिहीणं । फासुदाणं भणियं सिवसुहमूलं जिणिदेहिं" ॥१३९॥ जे रागदोसकलिया संसारनिवासमोहिया देवा । परमप्पाबुद्धीए ते मूढा नवर मन्नंति ॥१४०॥ रागद्दोसपराणं जं जं पडणाइयं इहं तेसिं । धम्मत्थं किल कीरइ तं तं चिय नरयगइमूलं " ॥ १४१ ॥
अवि य- “परमप्पा नायव्वो सिद्धो बुद्धो निरंजणो निच्च । निवियअट्ठकम्मो रागाईदोसपरिहीणो ॥ १४२ ॥
तस्स य जं जं कीरइ, वंदणसक्कारपूयसम्माणं । तं तं सिवसुहमूलं पावस्स पणासणं होई ॥१४३॥ भणियं च एत्थ जम्हा दाणं जं लोयसम्मयं किंचि । गोइत्थसुवन्नाई कुईहेऊ महापावं ॥ १४४॥
जे इत्थिभूमिदाणं सुवन्नदाणं च जे पउंजंति । ते पावकम्मरुया भमंति संसारकंतारं ॥ १४५ ॥ बंधताडणदमसु होइ गाईणा दारुणं दुक्खं । हलकुलिसेसु वि पुहई दारिज्जइ जंतुघाएहिं ॥ १४६ ॥
Jain Education International 2010_02
For Private & Personal Use Only
जंबुचरियम्
www.jainelibrary.org
