________________
१९९
सोलसमो उद्देसओ अवि य- मन्नंति अहम्मं पि य ते मूढा एत्थ धम्मबुद्धीए ।
तं तं कुणंति बाला जं जं चिय धम्मपडिकूलं ॥१२१॥ मंसं मज्जं सुरयं धम्मत्थं एत्थ के वि सेवंति । अजयाण दिति दाणं गोनंगलदारमाईयं ॥१२२॥ जाणंति न उण एवं मंसाईयाणि पाणिघाएण ।
धम्मस्स विरुद्धाइं विसिट्ठजणगरहियाइं च ॥१२३॥ भणियं च- "एत्थ जम्हा दयागुणविसारएहिं धीरेहिं ।
जिणवयणभाविएहि साहूहि पवरनाणीहिं" ॥१२४॥ [ ] "खइयं वरं विसं पि हु खणेण मारेइ एक्कसिं चेव । मंसं पुणो वि खइयं भवमरणपरंपरं नेइ ॥१२५॥ [ ] मंसासिणो नरस्स हु पारतं आउयं च परिहाइ । परिवड्डइ दोहग्गं दूसहदुक्खं च नरएसु ॥१२६॥ [ ] भेसज्जं पि हु मंसं देई अणुमन्नई य जो जस्स । सो तस्स मग्गलग्गो वच्चइ नरयं न संदेहो ॥१२७॥ [ ] दुग्गंधं बीभच्छं इंदियमलसंभवं असुइअं च । खइए य नरयपडणं विवज्जणीयं अओ मंसं ॥१२८॥ [ ] सव्वजलमज्जणाइं सव्वपयाणाइ सव्वदिक्खाओ । एयाइ अंसासित्तणस( स्स) तणुयं पि न समाई ॥१२९॥ [ ] जे चोरसुमिणसउणावण्हिपियासा भूयग्गहदोसा । एक्केण अमंसासित्तणेण ते तणसमी हुंति ॥१३०॥[ ] मंसस्स वज्जणगुणा दो चेव अलं नरस्स जियलोए । जं जियइ निरुवसग्गं जं च मओ सोग्गइं लहइ ॥१३१॥ [ ] काऊण धम्मबुद्धी जे मंसं दिति जे य खायंति । उभओ वि जंति नरयं तिव्वमहावेयणं घोरं ॥१३२॥ [ ] मंसं पुण पयडं चिय दीसइ सव्वाण एथ्थऽणत्थाणं । मूलं तह वेराण य पढमं चिय कारणं एयं ॥१३३॥ [ ]
Jain Education International 2010_02
For Private & Personal Use Only
www.jainelibrary.org
