________________
१९८
एयं जयंमि सारं परमं पत्तं परंपरं नेयं । सयलसुहाण निहाणं दुक्खाणं छेयसंजणयं ॥ १०८॥ जओ- ‘“नारयतिरियनरामरभवेसु परिभमइ दुक्खसंतत्तो । जीवो जिणमयहीणो पुणो पुणो भवसमुद्दमि ॥१०९ ॥ निच्चंधारे नरए निच्चासुइपूइरुहिरदुग्गंधे । निच्चनिरंतरजलिए बहुदुक्खदवग्गिणा कलिए ॥११०॥ खरतिक्खफरिसदुक्खे निच्चं चिय छेयभेथपरिकलिए । पाविन्ति अणंताई दुखाइं जिणमयविहीणा ॥ १११ ॥ तिरिसु य असुहाई तण्हासीउण्हभुक्खदुक्खाइं । उहणंकणछेयणताडणाई तह मारणाइं च ॥ ११२ ॥ पाविन्ति अगाई पाणी इह के वि नरयसरिसाई । कम्मोदएण नूणं जिणमयपरिवज्जिया मूढा ॥११३॥ दोहग्गसोगकलिया परिभवदारिद्दरोगसंतत्ता । मयत्तणे व पत्ते दुक्खाई अणेगरूवाई ॥११४॥ पाविंति के वि जंतू तिव्वासुहभावकम्मजणियाइं । जिणवयणबाहिरमई घत्था मिच्छत्तमोहेण ॥११५॥ अभिओगियकिव्विसिया सुरसंपयवज्जिया य जायंति । देवा वि धम्मरहिया निच्वं चिय दुक्खपरिकलिया" ॥ ११६ ॥ ता एयं नाऊणं संसारे केवलं परं दुक्खं । घेत्तव्वं पच्छयणं असेसदुक्खाण निव्वहणं ॥११७॥ जिणपवयणभणिएणं विहिणा निच्चं पि उज्जमेयव्वं । जइ इच्छह संसारं तरिउं तुब्भे इमं भीमं ॥ ११८ ॥ नत्थेत्थ इमं मोत्तुं सरणं जंतूण दुक्खतवियाणं । सयलंमि वि तइलोए सदेवमणुयासुरसमिद्धे ॥११९॥ एपिके व जंतू मिच्छत्तन्नाणरागदोसत्ता । जिणयंदभा(भ)णियमत्थं मोहंधा इह न याति ॥१२०॥
Jain Education International 2010_02
जंबुचरियम्
For Private & Personal Use Only
www.jainelibrary.org
