________________
सोलसमो उद्देसओ
ता अच्छ तुमं वीसत्थो, मम एसो सलयो वि भारो । पडिवन्नं च तेणिमं । गया य चेडी । कहिओ य चेडी(देवी)ए एस वुत्तंतो । अवि य- अहिलसइ को न तं सुयणु एत्थ भवणंमि जइ वि देविंदो ।
ता अच्छसु वीसत्था सो तरुणो तुह वसीहूओ ॥५९॥ तओ देवीए भणियं । अवि य- पाविज्जइ अचिरेणं दुलहं पि पियं न सुयणु संदेहो ।
[तं] मयणे सुपसन्ना जेसिं गोरि व्व अच्चंतं ॥६०॥ तओ इमं च भणिऊण दिन्नं पारिओसियं तीए । जायाओ य तस्स पवेसणोवा[य] पओगपराओ । तओ य एयम्मि य अवसरे समागओ सरयसमओ कोमुइमहूसवो। अवि य- जायम्मि सरयसमए कोमुइवारम्मि को न परिमुइओ ।
मोत्तूण झाणसज्झायवावडे साहुणो एक्के ॥६१॥ तओ एवं च सरइकोमुइमहूसवे सयलो वि नायरजणो पवत्तो विविहकीलासु कीलिउं। अवि य- सयलो वि नायरजणो कोमुइवारंमि विविहकीलत्थं ।
__ पमुइयमणसो पत्तो उज्जाणे नंदणवणंमि ॥६२॥ तओ राया वि सअंतेउरो पयट्टो कीलानिमित्तं तमुज्जाणं । अवि य- अंतेउरपरियरिओ सग्गे इंदो व्व पमुइओ मणसा ।
उब्भिन्नपुलयरोमंचकंचुओ निग्गओ राया ॥६३।। महादेवी वि 'मम सीसे वेयणा बाहिउं पयत्ता, अओ गंतुं न तरामि'त्ति भणिऊण ठिया न पयट्टा कीलत्थं ति । तओ एवं च जाणिऊण विवित्तं पवेसिओ सो महादेवीहिययणंदणानंदणो जुवाणो केणइ पओएण मयणाए देवीए वासभवणं ति । इओ य राया किल महादेवीए ललियाए महासीसवेयणा बाहिउं पयत्ता । तओ महामाणसदुक्खवेयणाभिघाइयहियओ अतक्किओ चेव सयलपरियणेण नियत्तो उज्जाणाओ अविन्नाओ य पवत्तो ललियावासभवणं समारुहिउं । तओ समासन्नीभूओ य कह कह वि नाओ मयणाए। सिटुं च णाए महादेवीए रायागमणं । तओ अन्नो
Jain Education International 2010_02
For Private & Personal Use Only
www.jainelibrary.org
