________________
१९२
जंबुचरियम् इय सा तमपेच्छंती पुणो पुणो मोहमुवगया हसइ ।
आसासिज्जइ नवरं पुणो वि सा संगमासाए ॥४९॥ तओ एयावत्थं च तं देविं दट्टण मयणियाए भणियं । अवि य- अवलंबसु धीरत्तं मुंच विसायं च मुज्झ मा देवि ! ।
आणेमि तुज्झ दइयं नियजीयं जइ वि दाऊण ॥५०॥ तओ ‘आणेमि तुज्झ दइयं' ति समायन्निऊण समासासियहिययाए भणियं देवीए । अवि य- जा जा हि वच्च तुरियं मयणे ! जा जीवियं न निग्गमइ ।
पच्छा किं लद्धेण वि पिएण मम आउए खीणे ॥५१॥ दिज्जइ हत्थालंबो मयणे ! मा एत्थ तं चिरावेसु ।
सो च्चिय एक्को सुयणो जो विहुरे होइ निब्भिच्चो ॥५२॥ तओ एवं च भणिया गया तुरमाणा दासचेडी । दिट्ठो य सो जुवाणो । निवेइयं च सव्वं देवीसंदिटुं । दंसणसमुन्भववियाराइयं च साहियं तस्स सयलं । अवि य- सा तुह विरहानलडाहसोसिया सुयणु जं न परिवडइ ।
तं तुह संगमआसाविलोहिया मज्झ वयणेणं ॥५३।। ता तह कीरउ सुपुरिस ! जह सा मयणाहिणा सुयणु डक्का ।
तुह संगमागएणं पन्नप्पइ तक्खणं वराई ॥५४॥ इमं च निसामिऊण भणियं ललियंगेणअवि य- आणंदिओ इमेणं देवीनेहेण सुयणु अच्चंतं ।
तुम्हावलोयणेण य किंतु निसामेहि परमत्थं ॥५५॥ तीए भणियं-किं तं ? तेण भणियं । अवि य- किं धरणिगोयरेणं अहिलसिया सुयणु जह व ससिरेहा ।
पाविज्जइ अच्चंतं निउणेण वि केण वि नरेण ॥५६॥ तह जीए दंसणं पि हु संपडइ न कह व पुन्नरहियाण ।
पाविज्जइ अच्चंतं कह सा अम्हेहिं पसयच्छी ॥५७॥ तओ चेडीए भणियं-एवं एयं । किन्तुअवि य-जं सुयणु तुमे भणियं सहायरहियाण होइ तं सव्वं ।
जो उण सहायसहिओ किं तस्स न एत्थ भण सिद्धं ॥५८॥
Jain Education International 2010_02
For Private & Personal Use Only
www.jainelibrary.org
