________________
सोलसमो उद्देसओ
असढहिययं सलज्जं सुसहावं वच्छलं कयन्नुं य ।
विहलुद्धरणधणं पि हु माणुस्सं होइ धन्नाणं ॥३९॥ अन्नं च मयणे !-मरणं न होइ गरुयं संसारे सव्वलोयसामन्नं ।
___ मरणस्स वि गरुययरं जं जस्स पियं पराहीणं ॥४०॥ तओ चेडीए भणियं-देवि ! सुणसु । अवि य- असहायस्स न सिद्धी पुन्नब्भहियस्स सुटु वि पियस्स ।
किं किलि(ल) तस्स न सिद्धं सुसहायं जस्स माणुस्सं ? ॥४१॥ तओ सा देवीए भणिया-जइ एवं ता मयणिए ! अवि य- को उण हवेज्ज एसो मेइणिवटुंमि पुन्निमायंदो ।
मम नयणकुमुयपडिबोहवच्छलो हिययआणंदो ॥४२॥ ता जाणसु इमं गंतूण को वेस। गया य चेडी, समागया थोववेलाए। भणियं च णाए। अवि य- सामिणि ! इहेव नयरे समुद्दइन्भस्स सत्थवाहस्स ।
एस सुओ ललियंगो ललियंगो नाम गुणकलिओ ॥४३॥ तओ इमं च निसामिऊण देवी अहिययरं तस्स समागमुच्छुगा संजाया मयणानलदाहपरवसा य निवडिया सयणीए । तओ तक्खणं चिय केरिसा संजाया । अवि य- परिवड्डमाणमयणग्गिताविया केवलं समूससइ ।
नीससइ वलइ वेवइ हुं हुं महुरक्खरं भणइ ॥४४॥ अलयवलयाई तीए घोलंति विसंठुलाइँ मुहकमले । मउलिंति लोयणाई रुंभइ सासो खलइ वाणी ॥४५॥ निद्दहइ हारवलयं पि थोरथणवट्टसंठियं तीए । पवणो वि सुसइ देहं कमलिणिदलसिसिरजलकणिरो ॥४६॥ पीलेइ य नियदेहं भुयाहिँ नीससइ दीहनीसासं । पवणं पि समालिंगइ तीए दिसाएँ पवायंतं ॥४७॥ तं चिय दिसं पलोयइ पम्हलमउलिंततारनयणेहिं । संजूरइ नियदेहं रूसइ य [स?]याण पुन्नाण ॥४८॥
Jain Education International 2010_02
For Private & Personal Use Only
www.jainelibrary.org
