________________
१९४
जंबुचरियम् [न] को वि अप्पसंरक्खणोवाओ, [अओ] भयभीयाहि संरक्खणत्थं च तस्स निहित्तो ताहिं पाउक्खालयकूवे ललियंगो । अवि य- ताव पिओ होइ जणो जाव न वसणं समेइ मज्झेण ।
वसणंमि समावडिए किं कीड़ सुटु वि पिएण ॥६४॥ भणियं च- "सुनिबद्धबंधणाई सहावघडणाए जइ वि घडियाइं ।
वसणंमि समावडिए सच्चं विहडंति पेमाइं" ॥६५॥ [ ] ताव च्चिय होइ सुहं जाव न कीरइ पिओ जणो को वि । पियसंगो जेण कओ, दुक्खाण समप्पिओ अप्पा ॥६६॥ असुइचिलिच्चिलमलिणे, किमिसयसंताणफिप्फिसदुगंधे ।
पाउक्खालयकूवे, पडिओ दुमे(म्मे)ज्झपउरंमि ॥६७|| तओ चितियं पयत्तो । अवि य-हा कह एत्थ अउत्तो दुमे(म्मे )ज्झचिलिच्चिलंमि अयडंमि ।
बीयं जोणि व्व अहं संपत्तो पुन(न्न )परिहीणो ॥६८॥ अह वा- परदा[स्स? ] फलं मे इहेव जम्मंमि पावियं एयं ।
___जं अप्पणा विरइयं तं भुंजसु संपयं जीव ! ॥६९॥ भणियं च- "परदारं चिय अइभीमविसमदोसायरं महापावं ।
उभओवक्खदुहयरं भवनिग्गमवज्जपायारं" ॥७०॥ [ ] "इह लोगंम्मि य अइदुक्खकारयं बंधवहणसंजणणं ।
वेराणुबंधजणयं लोगम्मि य गरहियतरं च" ॥७१॥ [ ] अन्नं च- पाउक्खालयसरिसे मुत्तासुइपूइगंधबीभच्छे ।
को रमइ जाणमाणो इत्थीदेहंमि दुहमूले ॥७२॥ भणियं च- "मंसद्विरुहिरमज्जावसपूइपुरीसपूरियसरीरे ।
बहिचंदणचच्चिक्कियमुत्तासुइभरियकलसे व्व" ॥७३॥ [ ] "को जाणतो रायं करेइ एवंविहे इह सरीरे । उन्नयपुहन्न( ? )मासे खीणे य सिरावणद्धे य" ॥७४॥ [ ]
Jain Education International 2010_02
For Private & Personal Use Only
www.jainelibrary.org
