________________
सोलसमो उद्देसओ
१८९ "असुइमलरुहिरकद्दमवमालिओ गब्भवासमझमि । वसिओ सि संपयं चिय जीव ! तुमे कीस पम्हुटुं ? ॥२०॥[ ] संकोडियंगमंगो किमि व्व जणणीऍ जोणिदारेण । संपइ नीहरिओ च्चिय पम्हुटुं केण कज्जेण ? ॥२१॥ [ ] संपइ बालत्तणए कज्जाकज्जेसु मूढचित्तेण । अवि असियं ते वच्चं पम्हुटुं तुज्झ तं कीस ? ॥२२॥ [ ] नवमासजणणिउयरे असिओ जणणीऍ तह य निस्संदो । जीवेण संपयं चिय तं चिय दुक्खं किमन्नण ? ॥२३॥ [ ] एवं च एत्थ बहसो पत्तं जीवेण गब्भवसहीसु । ता जाणिऊण एयं को संसारंमि रज्जेज्जा ॥२४॥ [ ] जो पुण जाणतो च्चिय जम्मजरामरणगब्भयं दुक्खं । न वि विसएसु विरज्जइ सो गब्भपरं परं] लहइ" ॥२५॥ [ ] इय एवं नाऊणं जम्मजरामरणगब्भयं दुक्खं । गब्भपरंपरमूलं विसयसुहं को हि नंदिज्जा ? ॥२६॥ ता एण य (?)पज्जन्तं सुइसत्थवियक्खणाण पुरिसाण । एत्थ य सुण दिटुंतं ससंकवयणे ! जिणक्खायं ॥२७॥ अत्थेत्थ जंबुदीवे भरहे वासंमि तुंगपायारं । नलिणिवणपुन्नफरिहासणाहदुल्लंघपरचक्कं ॥२८॥ सुविभत्ततिय[य?]चउक्कचच्चरजिणभवणगोउरसणाहं । भवणजियदेवभवणं नामेण वसंतपुरनयरं ॥२९॥ गुरुविणयभत्तिजुत्तो सत्थत्थवियक्खाणो सुहाभिगमो । धम्मपसाहणकुसलो जत्थ जणो गुणनिही वसइ ॥३०॥ एकाउहो वि होउं सयाउहो जो जणंमि उग्घुट्ठो । सुकयजहट्ठियनामो सयाउहो तत्थ नरनाहो ॥३१॥
Jain Education International 2010_02
For Private & Personal Use Only
www.jainelibrary.org
