________________
१८८
जंबुचरियम् नाओ मए निच्चेट्टत्तणेण सरीरस्स । हा ! किमेसो एरिसो संजाओ?-ससज्झसाए जाव निरिक्खिओ ताव नाओ निस्संसयं एसो मओ त्ति । तओ महासोआभिभूया विलविउं पयत्ता-हा ! पेच्छ एसो मम दइओ कह मंदभाइणीए पंचत्तमुवगओ । एवं च किल विलविऊण बहुप्पयारं परिचिंतिउं पयत्ता-कह पुण एस मए कायव्वो, कस्स साहेमि, कह करेमि, कह वा न करेमि । किं वा मम एत्थ करणीयं । कत्थ वा इमाए जामिणीए एगागिणी वच्चामि ? तओ एवं च बहुप्पयारं परिचिंतिऊण खणिया मे (मए) गत्ता निहित्तो य सो । थगिऊण य तं गत्तं संमज्जिओवलित्तं कयर मए गेहं । दिन्नो य धूयवासो । एयंमि अवसरे पहाया जामिणी । समुग्गओ विरहानलसंतवियचक्कवायसमोण्हवणसमत्थो अंसुमाली । तओ समागयाणि तायं वाणि । कहिया य तेसिं मए इमा पउत्ती । अवि य- एयं ते परिकहियं नरवइ ! अक्खाणयं जमम्हाण ।
परिवाडीए दियाणं समागयं परिकहेयव्वं ॥१४॥ तओ इमं च निसामिऊण राइणा सव्वं सव्वहाविरुद्धं गरुयच्छेरयकप्पं च भणिया य सा कुमारी-'किं बाले ! इमं जहा ते परिकहियं तहा सव्वं सच्चं ?' तीए भणियं । अवि य- किं जं नरवइ ! सुव्वइ सव्वं अक्खाणएसु तं सच्चं ।
चउरमइविगप्पियं तं नरनाह ! इमं च नायव्वं ॥१५॥ एवं तुमं पि पिययम ! कुसलमइविगप्पियत्थमेत्तेहिं ।
दिटुंते[हऽ]म्हाणं विफलेसि मणोरहे सव्वे ॥छ। ॥१६॥ तओ इमं च निसामिऊण भणियं जंबुणामेण-मुद्धे ! निसुणसु । अवि य- "अच्छउ परभवजणियं दुक्खं देहीण एत्थ लोयंमि ।
पच्चक्खं चिय दीसइ जं एवं गब्भवासंमि ॥१७॥ पूइजररुहिरकिव्विसमुन्नं(त्त)तपुरीसनियरमज्झमि । जं वसइ तं पि(?) मुद्धे ! विरागचिंधं मुणेयव्वं ॥१८॥ भणियं च जेण पयडं कविणा केणावि तं सुणसु मुद्धे ! । जिणवयणभावियमणा दुक्खं जं गब्भवासंमि ॥१९॥
Jain Education International 2010_02
For Private & Personal Use Only
www.jainelibrary.org
