________________
सोलसमो उद्देसओ
भणियं च - " किं न करेज्ज अकज्जं पिएण महिलायणेण भन्नंतो ।
पुरिसो विसुद्धरूवो वि विसयसंगं समासत्तो" ॥७॥ [ ]
तओ किं बहुणा वित्थरेण । भणिया य अहं तेण - 'सुंदरि ! इच्छसु मए समं सुरयपसंगो ?' निच्छियं च मए ।
अवि य- निव्वत्तयंति तं चिय तं चिय नेच्छंति नूण महिलाओ । वंकं वि वंकचरियं दुल्लक्खं होइ नारीणं ॥८॥
तओ महाराय ! पवत्तो सो वलायारेण ममं परिभुंजेउं । तओ वा (धा) हावियं मए । समागओ सयलो समासन्नलोओ । भणियं च तेण समागयलोएण - 'किमेयं किमेयं ? ' । पसोइओ य सो मए सेज्जाए तुरमाणाए । भणिओ य 'मा भयसु' । पलोट्टियं च धरणीए तहाविहं आसंकाठाणजणगं आहारं । मए भणियं च समागयजणहुत्तं - 'एस एस मम भत्तारो अज्जेव वरिओ, न याणामि केणावि कारणेण उड्डविरेयं काऊण अवडुसरीरो संजाओ ।' तओ लोओ 'मलसु मद्दसु सेवसु य' भणिऊण गओ नियनियट्ठाणेसु । पुणो वि पत्ता अहं तस्स सासे ।
अवि य- काऊण तं पुणो च्चिय कज्जं विहडाविऊण स (सं) धिन्ति । तत्थुप्पन्नं नारीण न नज्जऍ कह समुप्पन्नं ॥९॥
१८७
भणियं च - " एयाइं असिक्खियपंडियाइं दीसंति एत्थ लोयंमि ।
कुक्कुडयाण य झुज्झं तत्थुप्पन्नं च नारीण" ॥१०॥ [ ] ता महाराय ! दुल्लक्खहिययाओ एयाओ ।
भणियं च - " रोयाविंति रुयंति य अलियं जंपिंति पत्तियाविति ।
कवडेण य खंति विसं मरंति न य जंति सब्भावं" ॥११॥ [ ] गइयह मुइयह दड्डियह निधूम.. ...हूयाह । छारोवाई सहुं रमइ कओ वेसा सुत्तियाह ॥ १२॥
तओ सो महाराय ! मम फासजणियाहिलासनिरोहेण लज्जाभरसमुत्थइयचित्तो ममोवरिं सुरयाभिलासकोऊहलसज्झसेण य संजायमहासूलवेयणो पंचत्तमुवगओ । जओ भणियं च - " परिरुंभइ सोत्तपहे वलेइ हिययं जणेइ मइमोहं ।
पेमं विसंवसंतं विसं व दंतंतरनिहित्तं" ॥१३॥ [ ]
For Private & Personal Use Only
Jain Education International 2010_02
www.jainelibrary.org
