________________
॥ सोलसमो उद्देसओ ॥
पिहुलनियंबयउट्ठियरसणामणिकिरणधवलियदिसाए । एत्थंतरे य भणियं विजयसिरी नाम भज्जाए ॥१॥ पियसहिओ ! एसऽम्हं होज्ज पिओ नूण भट्टधूयसमो ।
सयमइविगप्पिएहिं कुसलो अक्खाणयसएहिं ॥२॥ तओ इमं च निसामिऊण सहरिसं वियसमाणवयणकमलेण भणियं जंबुणामेणका सा सुंदरि ! भट्टधूया ? कहं वा सयमइविगप्पियक्खाणयकुसल त्ति ?' तीए भणियं । अवि य- अत्थेत्थ भरहवासे नयरी वाणारसि त्ति नामेण ।
गरुयपरक्कमकलिओ राया अवराइओ तत्थ ॥३॥ सो अच्चंतकहापरिसवणाखित्तहिययनिबद्धाणुराओ पइदिणं पि अत्थाणमंडवमुवगओ नायरमाहणयाण कयउवजीवणमहावित्ती अक्खाणगाइं परिवाडीए परिकहावितो उवचिट्ठइ त्ति । अन्नया य एक्कस्स चक्कयरमाहणस्स समागओ अक्खाणगकहणपरिवाडीए दिवसो । तओ सो तम्मि दिणे चिंताभारसमक्कंतो विमणदुम्मणो य दिट्ठो निययधूयाए कन्नकुमारीए। भणिओ य-'ताय ! कि ते पुण चिंतासमुव्वहकारणं?' तओ तेण भणियं-'पुत्त ! अज्ज मम रायत्थाणमंडवसहाए अक्खाणगकहणपरिवाडी समागया । एयनिमित्तं च राइणा कओ अम्ह उवजीवणपसाओ। अहं च सव्वसुईपरिहीणो महाजडो न परिकुसलो इमंमि विसए। ता इमाए मम चिंताए पम्हुटुं भोयणं पि । अच्छउ कहाणगपरिकहणं' । तओ इमं च निसामिऊण भणिओ सो तीए धूयाए-'ताय ! मा वच्चसु विसायं । अहं कहिस्सामि' त्ति । तओ सा पहायसुइभूया धवलवत्थनियंसणा गया य अत्थाणमंडवं । दिट्ठो य नरवई । दिन्नासीसा उवविठ्ठा पुरओ । भणियं च तीए ।
_Jain Education International 2010_02
For Private & Personal Use Only
www.jainelibrary.org
