________________
१८४
जंबुचरियम् जओ सो वि- अइलालिओ वि बहुसो पत्ते मरणंतयंमि सो जेण ।
गंतुं जाव मसाणं पुणो नियत्तंति सव्वे वि ॥५९॥ न उण पयट्टेण समं मणुयासुरतिरियनारयगईसु । थोवं पि हु साहेज्जं सो तस्स पयच्छइ हयासो ॥६०॥ जो पुण तइओ मित्तो 'जोकारे'णं तु जेण ववहारो । सो जिणवरिंदभणिओ धम्मो इह होइ नायव्वो ॥६१॥ जीवेण समं गच्छइ एसो दुग्गेसु कुणइ साहेज्जं ।
ता एसो आएओ बुद्धिमया होइ पुरिसेण ॥६२॥ भणियं च- "धम्मो च्चिय चारभडो घेतव्वो पंडिएण पुरिसेण ।
जो ठाइ अग्गओ मग्गओ य वासे पवासे य" ॥६३॥ [ ] एयं पि मंदबुद्धी केइ पमायंति जंतुणो मूढा । लद्धे वि मणुयजम्मे धम्मसुई सद्धपरिहीणा ॥६४॥ ता मुद्धे ! एक्को च्चिय एसो संसारसायरे घोरे । जंतूण होइ सरणं परलोयपुरं पयट्टाण ॥६५॥ ता एयं मोत्तूणं तुम्ह कए बीयमित्तसरिसीणं । मंति व्व वसणवडिओ होहामि ह कहमहं पच्छा ॥६६॥ तुम्हेहिं परिमुक्को विवज्जिओ धम्ममित्तसंगेण । होहामि कहं अंतोभममाणो भवसमुदंमि ॥६७॥ ता सुंदरि ! एयं चि[य] अहयं सव्वायरेण गिण्हामि । धम्मं जिणपन्नत्तं जं सरिसं तइयमित्तेण" ॥६८॥ इह जे गुणपालण निच्चरया तवसंजमनाणदमे य ट्ठि(ठि)या । उवसंतकसायमहाजलणा अह जंति सिवं परिमुक्कभवा ॥६९॥ इय जंबुणामचरिए, कमलवईदत्तउत्तरभिहाणो । उद्देसगो समत्तो, एत्तो य परं पवक्खामि ॥छ॥ ॥७०॥
Jain Education International 2010_02
For Private & Personal Use Only
www.jainelibrary.org
