________________
१८२
जंबुचरियम् ता अस्थि मज्झ बीओ, भुंजतो ऊसवेसु जो मित्तो । परिचिंतिऊण एवं, गओ य सो तस्स गेहंमि ॥३५॥ तस्स य सव्वं कहियं, सो विय अब्भत्थिओ गमणहेउं । भणियं च तेण एए, कह सयणा छड्डिमो इण्हीं(हिं) ॥३६॥ रायविरुद्धं च इम, तहाविहं मित्त ! तुज्झ कज्जेण । गच्छामि तुह सहाओ, वसिमंतं जाव नयरस्स ॥३७॥ सोउं(ऊ)णिमं विसन्नो, मंती चिन्तेइ अत्थि मे तईओ। जोकारमेत्तमित्तो, गंतुं अब्भित्थिमो तं पि ॥३८।। स मया संते वि धणे, मणयं पि न किं पि आसि पडियरिओ। एवं विचिंतयंतो, गओ य अह तस्स गेहंमि ॥३९॥ दट्ठण सो वि मंति, दूराओ समागयं ति भणमाणो । अब्भुट्ठिओ य सहसा, कयं च सव्वं पि करणीयं ॥४०॥ सिटुं च तस्स सव्वं, भणिओ तं मित्त ! कुणसु साहेज्जं । वच्चसु मज्झ सहाओ, अन्नं रज्जंतरं जाव ॥४१॥ अह सो वि भणियमेत्तो, घेत्तुं वसुणंदयं च खग्गं च । उप्फुल्लवयणकमलो, मंतिं सो भणइ परितुट्ठो ॥४२॥ निवडइ [य] आवयाकसणवट्टए सुअणुमित्तसब्भावो ।
आवइपत्ते चंदे, मयरहरो पेच्छ कह खीणो ॥४३॥ भणियं च- "सुयणस्स विहलियस्स वि, पुणो वि सुयणेण होइ उद्धरणं ।
पंकपडियं गइंदं, को कडूइ वरगयं मोत्तुं ?" ॥४४॥ [ ] अन्नेहिं वि भणियं__"सो च्चिय कीरइ मित्तो, जो च्चिय पत्तंमि वसणसमयंमि ।
न हु होइ पराहुत्तो, सेलसिलाघडियपुरिसो व्व" ॥४५॥ [ ] जओ भणियं-“सो अत्थो जो हत्थे, तं मित्तं जं निरंतरं वसणे ।
तं रूवं जत्थ गुणा, तं विन्नाणं जहिं धम्मो" ॥४६॥ [ ] ★ पूर्वेऽपि "सो अत्थो........ ॥ "असढहियओ....... एतद्गाथायुगलमागतमस्ति ।
Jain Education International 2010_02
For Private & Personal Use Only
www.jainelibrary.org
