________________
१४
पनरसमो उद्देसओ
आईओ घेत्तूणं निययसरीरं व मन्तिणा तेण । परिपोसिओ य सययं, सव्वेसुं चेव कज्जेसु ॥२३॥ बीओ पुण वसणू(पुण छणु?)सवेसु मित्तो भुंजेइ तस्स गेहम्मि । तइए य दिट्ठमेत्ते 'जोकारे'णं तु ववहारो ॥२४॥ सो अन्नया य राया, परिकुविओ कारणेण केणावि ।
मंतिस्स सो वि भीओ, संपत्तो पढममित्तगिहं ॥२५॥ भणियं च- "सो अत्थो जो अह)त्थे, तं मित्तं जं निरंतरं वसणे ।
तं रूवं जत्थ गुणा, तं विन्नाणं जहिं धम्मो" ॥२६॥ [ ] "असढहियओ सलज्जो, सुसहावो वच्छलो कयन्नूय ।
विहलुद्धरणधणो वि हु, मित्तो इह होइ धन्नाणं" ॥२७॥ [ ] "पंथसमा नत्थि जरा, दारिद्दसमो परिभ( ब्भ )वो नत्थि । मरणसमं नत्थि भयं, छुहासमा वेयणा नत्थि" ॥२८॥ [ ] कहियं च तस्स सव्वं, जह राया मित्त ! मज्झ परिकुविओ । ता संपइ तह कीरउ, जहहं गच्छामि परविसयं ।।२९।। मम तं भवसु सहाओ, गच्छसु तं मित्त ! निक्कयं अज्ज । जं मे तुह उवगरियं, तं कीरउ अज्ज इह सहलं ॥३०॥ भणिओ अह सो तेणं, गच्छसु गेहाओ मज्झ तं सिग्घं । कोसि तुमं किं दिट्ठो, जेण य मम आगओ गेहं ॥३१॥ किं तुज्झ कएण अहं, गिण्हामिह राइणा सह विरोहं । ता गच्छसु सिग्धं चिय, मम गेहाओ तुमं को सि ॥३२॥ सोउ(ऊ)णिमं विसन्नो, सो मंती पेच्छ केरिसं एस ।
परिजंपइ मम भित्तो, जो नियदेहं व मे आसि ॥३३॥ अहवा भणियं
"उवयारसहस्सेहिं वि, वंकं को तरइ उज्जुयं काउं । सीसेण वि वुब्भंतो, हरेण वंको चिय मयंको" ॥३४॥ [ ]
Jain Education International 2010_02
For Private & Personal Use Only
www.jainelibrary.org
