________________
चोसमो उद्देसओ
जलहरसमओ व्व जहा, जाओ बहुपंकपावमलिणाओ । गिम्हसमओ व्व निच्चं, परिवड्डियगरुयतण्हाओ ॥१३॥ परलोयविम्मुहाओ, लोयाय[य]दिट्ठिओ व्व एयाओ । वेज्जो व्व हुंति जाओ, कोढियवलखयइकलियाओ ||१४||
भणियं च - " चोप्पपडयं ( ? ) मसिमंडियं पि रामंति अत्थलुद्धाओ । सिरिवच्छंकियवच्छं, मुहाए विण्हुं पि नेच्छति ॥१५॥ [ ]
अत्थस्स कारणट्ठा, मुहाई चुंबंति वंकविरसाई । अप्पा णो च्चिय वेसो, कह ताण पिओ परो होउ ॥ १६ ॥ []
अन्नेण गहियमुक्का वज्जियनेहा पणट्ठसब्भावा । उच्चिपत्तलिं पिव, भण को वेसं समल्लियइ ॥ १७ ॥ [ ] को नाम नरो चुंबे, वेसामुहपंकयं मणि ( ण )भिरामं । जूयकरचेडतक्करनरभडनिडूहणमल्लं व" ॥१८॥ [ ]
ता सव्वहा वि वच्छ ! विवज्जणीयाओ वेसाओ । जओ एयाओ असुइट्ठाणं कोवानलस्स । पढमकारणं मायापवंचस्स । अणुवहयबीयं महादुक्खतरुणो । महाप नरयगईए । उट्ठाणं माणस्स । पभवो लोहस्स । महाविग्घं धम्माहिलासस्स । मूलं संसारनिवासस्स । जम्मभूमीओ सयलाणं पि अणत्थाणं ति । ता वच्छ ! परिच्चयसु वेसापसंगं । अंगीकरेसु महापुरिसचरियं । भवसु य नियघरवावाराभिउत्तो । तओ एवं पि भन्नमाणेण न परिचत्ता सा तेण । तओ एवं च सो तीए घरे किंकरो व्व दुक्कयकम्मपसत्तो निंदिज्जमाणो जणेण, खिंसिज्जमाणो वयंसएहिं खरंट्टिज्जमाणो सयणेण, दुह वि लोयाण परिचुक्को अकयपुन्नो तत्थेव खयं गओ त्ति ।
अवि य- अत्तो (न्नो) वि जो पसत्तो, वंचेइ परं कुडुंब अत्थंमि । सो अप्पाणं वंचइ, परलोए सव्वसोक्खाणं ॥१९॥ दारसुयाण निमित्ते, सुन्हाधूयाण बंधवाणं च । मूढो करेइ पावं, एक्को च्चिय सहइ तं सव्वं ॥२०॥
१. नास्तिकदृष्टिरिव ।
Jain Education International 2010_02
१७५
For Private & Personal Use Only
www.jainelibrary.org
