________________
१७६
छिंदणभिंदणफालणउक्कत्तणमोडणारं दुक्खाइं । नरयंमि गओ पावइ, जीवो दुहकम्मजणियाइं ||२१|| पज्जलियजलणजालावलीए नरयंमि डज्झमाणाणं । न हुहुंति नवर सरणं, जायाओ वि पियाओ ||२२|| सुटु जाण कए बहु पावं, कीरइ जीवेण सोक्खतण्हाए । ताओ नरयगईए, गयस्स जायाओ न हु सरणं ॥ २३ ॥ भणियं च - " एयाण कमलदलए, चलणे पवराण नूण विलयाण । नए न हुंति सरणं, पुरिसाण निबुडुमाणाणं" ॥२४॥ [ ] कोमलकयलीसरिसं, ऊरूजुयलं पि जाणिमेएसिं । नए न होइ सरणं, पुरिसाण निबुड्डुमाणाणं ॥ २५ ॥ एयाण नियंबडं, पिहुलं कलकणिरकंचिदामिल्लं । नरए न होइ सरणं, पुरिसाण निबुड्डुमाणाणं ॥२६॥ पीणं चक्कलतुंगं, हारावलिसोहियं च थणवद्वं । नरए न होइ सरणं, भणामि धम्मक्खरं तेण ||२७|| वियसियसयवत्तनिभं, मुहयंदं जइ वि होइ जुवईणं । नरए नूण न सरणं, तेण हियं तुम्ह तं भणिमो ॥२८॥ दीहरपम्हलधवलं, नयणजुयं जइ वि नूण जुवईण । नरए न होइ सरणं, चिंता मह तेण हिययम् ॥२९॥ कयलीगब्भसरिच्छं, अईव फासेण कोमलं जइ वि । देहं न होइ सरणं, नरयं निबुड्डुमाणाणं [ मि] ॥३०॥ इय जाणिऊण एयं, ताणं सरणं च नत्थि नरयंमि । तम्हा करेह धम्मं, नरयम्मि य जेण नो जाह ॥३१॥
तम्हा एयाण कए, वंचेऊणं सुहाण सव्वाण । अप्पा नरयगईए, कह निज्जउ बुद्धिमंतेहिं ॥३२॥
Jain Education International 2010_02
जंबुचरियम्
For Private & Personal Use Only
www.jainelibrary.org