Page Text
________________
१७४
जंबुचरियम् सोलगाभिहाओ वडवापालगो वडवा य। तओ हिंडिऊण नाणाविहतिरिय......दो वि ताई। तओ कालंतरेण तहाविहकम्मोदएण खिइपण(इ)ट्ठिए नयरे सोमदत्तमाहणस्स सोमसिरीए भट्टिणीए गब्भत्ताए उववन्नो सोलगजीवो । जाओ य कालक्कम्मेण । वड्डिओ देहोवचएण । सा वि वि(व?)डवा बहुं हिंडिऊण संसारं तम्मि चेव नयरे कामपडायाभिहाणाए गणियाए धूयत्तणेण संजाया । पत्ता य जोव्वणं । सो य सोलगबडुओ संपत्तो जोव्वणं । तओ जोयणभरसुलभत्तणेण य मयणस्स गहिओ सो मयणवियारेण । संपलग्गो य तीए गणियादुहियाए । ओइन्नं च तं वच्चणपच्चयं आभिओगियकम्मं । तस्स कुणइ य जलिधणाइसमाणयणं । पमज्जणोवलेवणाइयं च सव्वं घरकम्मं । सा वि नरवइसुयसत्थवाहसेट्ठिसुएसु य सममभिरममाणी चिट्ठइ त्ति । अवमन्नइ य । तओ भणइ य 'हा किमेसो नयणाणिट्ठो परिपेल्लिओ वि न मुंचइ मम गेहं ?' तओ सो तीए दुव्वयणं अमयसरिसं मन्नमाणो सव्वं पेसणाइयं कुणइ त्ति । परिपेल्लिज्जमाणो वि न णिग्गच्छइ । दढयरं च तीए चित्ताराहणपरो संजाओ । एवं सो ताडणधाडणतण्हाछुहाओ परिस्सहमाणो तत्थ निधाडिज्जमाणो वि अच्छिउं पयत्तो । भणिओ य सो जणणिजणएहि-'वच्छ ! मा इमाए आसत्तो अप्पाणं दोण्ह वि लोयाण परिभटुं कुणसु । मुंचसु य इमं । अन्नं ते दारियं वरेमो विसुद्धजाइकुलसमुप्पन्नं । अन्नं च वच्छ ! इमाओ वेसाओ विसिट्ठजणपरिनिंदियाओ विडजणबहुमयाओ य । अणेयपुरिसमग्गणपराओ रज्जंति अत्थवंते, मुंचंति णिरत्थयं, अकुलीणं पि पुरिसं सुकुलुब्भवं पिव समायरंति । अत्थलुद्धाओ गुरुकुलसमुब्भवं पि अवमन्नंति धणपरिहीणं । जओ एयाओ'अवि य- महुयरपंतीओ इव, सदाणमायंगसेवणरयाओ ।
रत्तायरिसणन(नि)उणाओ जाओ निच्चं जलोय व्व ॥९॥ डाइणिओ इव जाओ, सुंदरनरछलणतग्गयमणाओ । पियमंसाहाराओ, कूराओ रक्खसीओ व्व ॥१०॥ सुरपाणपसत्ताओ, चामुंडाओ व्व निद्दयमणाओ। अत्थावहारिणीओ, दुट्ठाओ चोरसेण व्व ॥११॥ चित्तावहारिणीओ, नडो व्व एयाई हुंति पावाओ । मायंगग(घ)रं व जहा, परिवज्जियसिट्ठलोयाओ ॥१२॥
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |