Page Text
________________
चोद्दसमो उद्देसओ
१७३ अवसरे भम्महसत्थाओ एक्को खरो जोत्तयं गहिऊण तेणंतेणं पहाविओ । तओ पिट्ठओ पहावमाणेण तस्स सामिएण ते अत्थाइयपुरिसा भणिया-'अहो ! एत्थ जो तुम्हाणं मज्झे समत्थो सो एयं पहाविऊण गिण्हउ दुट्ठरासहं ' ति । तओ तेण चिंतियं-'मम जणओ वि सव्वकज्जेसु सव्वायरेण समारुहंतो अंबाए कहियं, ता अहं पि एयं गिण्हामि' त्ति चिंतिऊण पहाविओ गहिओ पुच्छे । तओ पच्छिमपहारेण संचन्निया तस्स दसणावली तहा वि न मुंचइ तं खरं । किल जणओ वि मे निच्छिओ आसि । ता कहं विमुच्चामि ? तओ निद्दयचलणपहारेहिं पुणो पुणो पहओ । तओ भणिओ लोएण-'अरे ! मुंच मुंचसु त्ति एयं दट्ठ(दुट्ठ)खरं' ति । तहा वि न मुंचइ । किल मया अंबाए समक्खं इमं जणयसंतियं दढसमारुहणं पडिवन्नं ति । ताव जाव गुरुपहारविहलो निवडिओ धरणीए । गहिओ गुरुपहाराहिं दुक्खसंतावेण ।
ता जह सो परितत्तो, गाहाओ निवारिओ वि लोएण ।
तह मा तुमं पि तप्पिसि, पिययम ! अइगरुयगाहाओ ॥छ। ॥५॥ तओ इमं च निसामिऊण भणियं जंबुणामेण-'सुंदरि ! निसुणसु । अवि य- वडवाए पोसओ वि य, नाहं तुम्हाण आभिओगेण ।
कम्मेण वसवत्ती, विहेमि लुहुडुखु(क्खु)डं जेण ॥६॥ तीए भणियं कह सो, वडवाए पोसगो कहसु अम्ह ।
किल आभिओगजणियं, लुहुडुखु(क्खु)डमेत्थ संपत्तो ? ॥७॥ तओ जंबुणामेण भणियं । अवि य- अत्थि सरसरियसोहिरनीरपसत्ताणिसरसतामरसो ।
इह भारहमि वासे, नामेण कलिंगविसओ त्ति ॥८॥ तत्थ य सीहनिवासो नाम एक्को गामो । तत्थ य इक्को भोइओ परिवसइ । तस्स अच्चंतसुंदरी इट्ठा य एक्का वडवा अत्थि । सो य जहा कुडुंब परिवालइ तहा तीए वि जवसजोगासणेण तेल्लघयदाणेण य अक्खूणं कुणइ त्ति । समप्पिया य सा सोलगाभिहाणस्स एगस्स पुरिसस्स परिवालणत्थं । सो य तं जोगासणं कि पि तीए दाऊण सेसं सव्वं जहोच्चियं अप्पणो कुणइ त्ति । अन्नया असारयाए पावसंसारस्स, सपज्जवसाणयाए जीवलोयस्स, मरणंतयाए सव्वपाणिणं कालकलिणा कवलिओ सो
_Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |