________________
॥ चोद्दसमो उद्देसओ ॥
कंठट्ठियमुत्ताहलमऊहसन्नियरधवलियदिसिाए । एत्थंतरे य भणियं, कणगसिरी नाम भज्जाए ॥१॥ पियसहिओ ! एसम्हं, होज्ज पिओ गामवोद्दसारिच्छो ।
जह सोअइ गाहाओ, परितत्तो तप्पिहीमो वि ॥२॥ तओ इमं च निसामिऊण वियसंतवय[ण]पंकएण भणियं जंबणामेण-'को सो दइए ! गामवोद्दो, कहं वा सो परितत्तो ?' तीए भणियं । अवि य
बंगा नाम जणवओ, इहेव भरहंमि अत्थि विक्खाओ ।
भद्दालंदो गामो, नामेणं तत्थ अत्थि वरो ॥३॥ तत्थ य एगो गामउडो परिवसइ । अन्नया मरणावसाणयाए जीवलोयस्स, पंचत्तमुवगओ सो । तस्स य अत्थि एगो पुत्तो जोय(व्व)णत्थो, सो य अईव विसयपसत्तो। न कि पि घरवावारं सामायरइ त्ति । तओ सो जणए परोक्खे विसीयमाणं दट्ठण घरं जणणीए भणिओ-'वच्छ ! ते जणओ सव्वायरेण सव्वकज्जेसु समारुहंतो न य किं पि विसूरणं च तइया आसि । तुमं पुण विसयपसत्तो उवेक्खसि विसीयंताई सव्वकज्जाई । न मुणसि एत्थ कुटुंबे किं पि अत्थि नत्थि वा, कहं वा, परिपालेयव्वं'ति ?, भणियं च- "पुव्वपुरिसाणुचरियं, जं कम्ममनिंदियं हवइ लोए ।
पुत्तेण वि कायव्वं, तं चिय एसो जणे नियस्सु" ॥४॥[ ] इमं च भणमाणी रोविउं पयत्ता । तओ तेण भणिया-'मा अंबे ! अधिई कुणसु । अज्जप्पभिई घेत्तूण अहं पि तायसंतियं वावारं अणुचिट्ठिस्सामि'त्ति । अन्नया य सो गामेल्लयपुरिससमन्निओ अत्थाइयाउवविट्ठो आलावसंल्लावेहिं चिट्ठिउं पयत्तो । एयम्मि
Jain Education International 2010_02
For Private & Personal Use Only
www.jainelibrary.org
