Page Text
________________
तेरसमो उद्देसओ
१६९ जिणयाससावएणं वंदिया य परोप्परं । पुच्छियं च जिणयासेण-'कुओ य साहम्मियाण समागमणं' । तेण भणियं-'जरमरणरोगरयमलकिलेसायासबहुले संसारमहन्नवे निमज्जमाणाणं जंतूणं नत्थि अन्नं सरणं मोत्तूण जिणप्पणीयं धम्म जिणजम्मनिक्खमणनिव्वाणभूमिपवंदणं च । ता इमं नाऊण तित्थजत्ताए अहं समुच्चलिओ तामलित्तीओ महानयरीओ वंदिऊण य सयलतित्थाई पुणो वि नियपुरवरीहुत्तं संपत्थिओ'त्ति । तओ जिणयासेण भणियं-'सोहणो ते इमो परिस्समो । न थोवपुन्नपब्भारस्स इमो ते धम्मसाहणोवाओ । सुलद्धं ते माणुसजम्म-फलं'ति । एवं च बहुहा पसंसिऊण भणिओ जिणयासेण-'आगच्छ, घरचेइयाइं वंदसु'त्ति । तओ सायरं सबहुमाणं च चलिओ सो । पत्ता य गेहं । वंदिया य तत्थं जिणा । मज्जणभोयणाइं च निव्वत्तियं सयलं करणीयं । भुत्तुत्तरसमए य तित्थयरसाहुकहावावडमणा अच्छिउं पयत्ता । एवं च अच्छमाणाण सभागयं अन्नगामस्स जिणयासबंधवाणं विवाहकल्लाणनिमंतणनिमित्तं हक्कारणं ति । भणिओ य समागयपुरिसेहिं जिणयासो जहा-'सव्वहा वि तुब्भेहिं सपरियणेहिं तत्थ गंतव्वं'ति । तओ जिणयासेण भणिओ सो कवडसावगो-'अज्जेक्कं ते मम गिहे भलणीयं, इमं च तुरंगमरयणं परिरक्खणीयं । नन्नस्स कस्स वि अहं समप्पेमि । तुमं पुण साहम्मिओ मम निव्विसेसो सव्वकज्जेसु वीससणीओ य' । तेण भणियं-'अहं गमणुस्सुओ तहावि जइ तुम्ह न अन्नो को वि वीससणीओ अत्थि ता एवं अच्छामि'त्ति । चिंतियं च णेण । अवि य- सूए पयं पलोटूं, मज्जारो दामिओ [य] मंसेण ।
जलिए हुयासणंमी, कह पक्खित्तं घियं एयं ॥३५॥ तओ वीससिऊण तस्स गओ जिणयासो।। अवि य- सुयणो सरलसहावो, अप्पाणं पिव परं पि मन्नेइ ।
न मुणइ कुडिलं पि मणं, परस्स नियसच्छहावेण ॥३६॥ भणियं च- "सुयणो न याणइ च्चिय, खलस्स हिययाई हुंति विसमाइं ।
अत्ताणहिययसुद्धत्तणेण हिययं समप्पेइ" ॥३७॥ [ ] तमि य दियहे तंमि नयरे को वि महूसवो वट्टइ । तओ सव्वो वि नायरजणो रयणीए रीलिउं पयत्तो । सो य संझासमए तमारुहिय तुरंगमं गंतुं पयट्टो । तओ सो तुरएण पुलाविओ गओ चेइ[य]हरं । तत्थ य तिक्खुत्तो पयाहिणं काऊण पुणो वि
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |