________________
१७०
जंबुचरियम् उक्कढिऊण गेहं गओ त्ति । एवं च इमेण कमेण कसपहारेहिं ताडिज्जमाणो वि घराओ चेइयहरं, चेइयहरा[ओ] वि घरं पुणो गंतुं पयत्तो, न पुण अन्नं पहं पवज्जइ त्ति । ताव जाव पहाया रयणी । तओ पणट्ठो आसं परिचइऊण सो कवडसावगो । संपत्तो य एयंमि अवसरे जिणयासो गामाओ नियनयरबाहिरियं । भणिओ य कीलाविणिग्गयलोएण जहा-'अज्ज तुब्भेहिं सव्वरयणि पि परिवाहिओ तुरंगमो ?' । तेण भणियमामं ति । तओ सिग्घपयनिक्खेवं सासंकहियओ य गओ तुरमाणो सगेहं । विहाडियं च तत्थ कवाडसंपुडं पविट्ठो तुरंगमावासं दिट्ठो य परिमिलाणदेहो तुरंगमो । तओ परिचिन्तियं च णेण-'अहो ! पेच्छ कहमहं पडिचुक्को अक्खंडिओ तस्स कवडसावगस्स । धम्मवज्जेण कह च्छलिओ तेण डंभपहाणेण । ता अज्ज वि अस्थि मे जिणपणीयधम्मपहावजणियाइं पुन्नाइं जेण एसो परिच्छुट्टो त्ति । तओ सुट्टयरं च परिरक्खणुज्जुओ जाओ । ता जहा मुवेसो (?) तुरंगमो उप्पहेण न पडिवन्नो न य सिक्खापरिच्चाओ कओ तेण । एवमहं पि न जिणप्पणीयं धम्मपहं मोत्तूणं न विसयासानिवडिओ इंदियवसवत्ती तुम्हं कएण कुप्पहं पवज्जामि । जयगुरुपयंसियधम्मसिक्खापरिच्चयं विहेमि त्ति । तहा जं तए भणियं-जहा थेरीए अप्पा विणासिओ अइअत्थलुद्धाए, एवं तुमं वि अन्नं किंपि अणिच्छियविणिवायंतरं पाविहिसि त्ति । तत्थ निसुणसु' । अवि य- चारित्तनाणदंसणवीरियतवनियमसंजमजयस्स ।
सज्झायझाणभावणणिच्चं चिय वावडमणस्स ॥३८॥ पाणवहालियमेहुणपरिग्गहादिन्नदाणविरयस्स । तह कोहमाणमायालोभिदियभग्गपसरस्स ॥३९॥ तह सद्दरूवरसगंधफासविसयरागदोसनिहयस्स । मणवयणकायदंडा निच्चं परिसंभमाणस्स ॥४०॥ सव्वन्नुवयणवित्थरपरमत्थपयत्थदिट्ठसारस्स । अन्नाणमोहमिच्छत्तकुसुइपरिहार वि]दुरस्स ॥४१॥ किं बहुणा भणिएणं, निच्चं चिय चरणकरणजुत्तस्स । संजमजोएहिं निरंतरं च परिभावियमइस्स ॥४२॥
Jain Education International 2010_02
For Private & Personal Use Only
www.jainelibrary.org
