________________
१६८
जंबुचरियम् जेण- मउया विज्जइ सिसिरे, सूरस्स वि पेच्छ तेयरासिस्स ।
गरुओ वेसपयावो, अच्छउ तावन्नपुरिसस्स ॥३०॥ भणियं च- "तुरमाणेहिं न सक्का, अत्थो विज्जा य रायलच्छी य ।
हियइच्छियरा य भज्जा, विप्पियकरणं च सत्तूणं" ॥३१॥ [ ] राजनीत्यावप्युक्तम्__ "न शक्यं त्वरमाणेन प्राप्तुमर्थांश्च सुदुर्लभान् ।
__ भार्यां [ च] रूपसंपन्नां शत्रूणां च पराजयम्" ॥३२॥ [ ] तओ राइणा एवं भणियप्पयारेण तस्स बुद्धिकोसल्लं च दद्रुण नाऊण जहा एसो जइ परं तुरंगमअवहरणसमत्थो । न पुण अन्नो अत्थि उवाओ । भणियमेवं कुणसु त्ति । लद्धाएसो य नीहरिओ सो राइणो सयासाओ । गओ जिणयंदभवणं पणिवइओ तिहुयणपरमगुरूणं वंदिया य साहू । पभणिया य तेण ते जहा-'नारयतिरियनरामरभवेसु संसरणमूलमूलस्स, जाइजरामरणरोगरयमलकिलेसवाहीइट्ठविओगाणिट्ठसंपओगसारीरमाणसाइमहादुक्खहल्लकल्लोलवीईतरंगस्स, कोहमाणमायालोभकामरागदोसमहामोहजलयरस्स, भयमोहन्नाणमिच्छत्तकुग्गाहकुडिललयासमोत्थइयस्स दुरंतपंतलक्खणस्स महासंसारसमुद्दस्स उद्धरणसमत्थं भयवं मम जिणवयणबोहित्थं पसाईकरेह' त्ति । पयासियं च संसारभओव्विग्गं तेण साहूणऽप्पाणं । न नायं च साहूहिं तं तस्स मायाकुडिलत्तहिययत्तणं । सव्वहा रंजिया तेण साहवो । भणियं च- "कालन्नुओ विणीओ, पुव्वब्भासी पियंवओ दक्खो ।
चाई पडिवन्नदढो, भण कस्स न रंजए हिययं" ॥३३॥ [ ] अन्नेहिं वि भणियं
"कडुयं पि भन्नमाणो, अणुकूलं भासिउं अयाणंतो ।
को तस्स गुणे वि....णा उज्जंगलरोसणा होइ" ॥३४॥ [ ] तओ एवं च सत्थभावेहिं तेहिं साहहिं दिन्नो से जिणवयणुवएसो । कहिओ सावगधम्मो । गहिओ य तेण मायाए । जाओ य सो सावगसामायारीए परिकसलो । तओ गामाणुग्गामं पूइज्जंतो साहमिओ त्ति काउं सावगकुलेहिं समागओ वसन्तउरं नयरं ति । तत्थ य गओ जिणाययणं, वंदिया य जिणवरिंदा साहुणो य । दिवो य
Jain Education International 2010_02
For Private & Personal Use Only
www.jainelibrary.org
