Page Text
________________
तेरसमो उद्देसओ
१६७ परिचिंतेमाणस्स सहसा समावडिओ जिणयाससावगो तस्स चित्ते । तओ चिंतियं राइणा-जइ परं एसो इमं तुरंगमं सव्वायरेण परिरक्खिउं समत्थो । जओ सो सम्मत्तावहत्थियपावसमायारायरणट्ठाणो, जेणगहियजिणवयणदिट्ठपरमत्थवित्थरसारसमुदरयणो न पलयकाले वि अकज्जायरणपउणमाणो केण वि महत्थदाणेण भोयाईहिं उवलोहिज्जमाणो वि हवइ त्ति । अन्नं च-सव्वहा सव्वप्पयारेहिं पि सो मम हिययपसाहणेक्कपदिन्ननियमणो वीसासट्ठाणं च । ता सव्वहा सो इमस्स परिपालणे समत्थो त्ति । तओ इमं च परिचिंतिऊण राइणा सबहुमाणं सगोरखं च हक्कारिऊण जिणयासं समप्पिओ सो तुरंगमो । भणिओ य सो राइणा-'ममं च दट्टव्वो एस ते महातुरंगमो'त्ति । पडिवन्नं च राइणो तं वयणं जिणयासेण । तओ महापयत्ते[ण] पडिरक्खिउं पयत्तो तुरंगमं सो । कारावियं च पायारवलयपरिक्खित्तं तुरंगमनिवासट्ठाणं । तत्थ य ठियस्स सयमेव जोगासणाइणा सव्वमक्खूणं सव्वपयत्तेण समायरइ त्ति । जिणिंदवंदणत्थं च तमारुहिउं उभओ तिसंझं चेइयहरं पगच्छइ । तुरंगमारूढो तत्थ य काऊण जिणाययणस्स तिपयाहिणं, तओ पविसिऊण जिणहरं, वंदिऊण य जिणे, पुणो तुरंगमारूढो काऊण तिपयाहिणं, निययमंदिरमागच्छइ त्ति । एवं च गच्छइ कालो। अन्नया य जियसत्तुनरवइणो पडिवक्खभूएणं अन्नेण महामंडलाहिवइणा नरीसरेण नियथाणमंडवनिविटेण परिजंपियं जहा-'सव्वे वि नरवइणो' जियसत्तुनरवइणो महातुरंगमरयणप्पहावेण आणं पगहियपाया वटुंति । न य कस्स वि रज्जे को वि तारिसो मंती भिच्चो वा अत्थि जो तं अवहरिउं समत्थो' त्ति । इमं च निसामिऊण रायकुलपरंपरासमागएण सहसा समुट्ठिऊण पायनिवडियाणंतरं च अच्चंतं सामिहियकारिणा विन्नत्तं एक्केण मंतिणा जहा-'सामि ! जियसत्तुनरवइणो वि समहिओ तं, [परं दुन्भिज्जो] तस्स तुरंगमस्स रक्खणोवाओ, जेण समप्पिओ सो जिणयासस्स सावगस्स परिरक्खणत्थं । सो वि अच्चंतहिओ नरवइस्स । नियदेहाओ वि समहियं तं तुरंगमं पेछइ परिपालेइ य । ता सव्वहा वि दुरावहारो सो तुरंगमो त्ति । एक्को पुण अत्थि उवाओ । जइ परं धम्मच्छलेण तं कह वि छलिऊण तस्सावहरणं कीरइ त्ति । ता कुणसु पसायं, समाइससु आएसं, जेण अवहरामि तुरंगमं छम्मासब्भंतरे । तुरमाणेहि य न तीरइ तं तुरंगमं अवहरिउं । जओ तुरमाणो न को वि कज्जसाहणसमत्थो दिट्टो' ।
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |